العقل زينه

والله عندك حق يا دكتور بس معلش احنا معزورين
الدكاتره بتيجي تلقن الطلبه وتمشي ومش مهم فاهم ولا مش فاهم دي مشكلتنا احنا مش مشكلتهم خالص
وكمان المنهج كبير وعلشان نفهم حاجه يبقي عاوزين وقت زياده
والله يا دكتور انا مش بحب الحفظ ولا حتي بعرف احفظ الحاجه غير لما افهمها
وعلي فكره مستوي التركيز بيقل بعد ساعتين من المحاضره واحيانا يقف خالص
وكمان كل دكتور له طريقه يعني في دكتور يعرف يوصل المعلومه ودكتور يقرا من الكتاب وده بيحصل معانا ومفيش داعي لذكر اسماء

احنا بجد مزنوقين لاعارفين نفهم ولا قادرين نحفظ
ياريت حضرتك تساعدنا وتفهم وجه نظري
وتفهمها للدكاتره
وجزاك الله كل خير
شكرا

السلام عليكم صراحة د كتوره امة الله ود على عندهم حق فى حاجات كتير ومنها ان اى بنى ادم طبيعى بيفصل بعد وقت طويل من التركيز ويمكن قبل ساعتين كمان واكيد حضرتك يا دكتور سيد بتلاحظ الموضوع ده فالمحاضرات بنبقى داخلين المحاضره واحنا والله نيتنا اننا نفهم وفعلا بنفهم بس بعد ساعه تلاقى كله بيسال هيا الساعه كام؟
طيب هو احنا بدانا الساعه كام؟
هو الدكتور فاضل له كتير ويخلص؟
ونبدا نشوف علامات التشتت ع ناس كتير
لكن الصدمه بحق ربنا فى الدكتور اللى بيشرح اللى بعد كل ده ولا بيهزه شىء
)يا جبل ما يهزك ريح)
اما بقى بالنسبه لموضوع الفهم ده فانا راى انهم حاجتين مكملين لبعض يعنى يا فرحتى لو فهمت كويس بس معرفتش اكتب فالامتحان فالاخر وعشان كده ناس كتير بتلجا للحفظ وبتريح دماغها
لكن نصيحه ليهم الحاجه اللى مش بتتفهم ومش بتثبت فالدماغ
يعنى لازم نفهم كويس جدا جدا جدا عشان نقدر نستوعب المعلومه ونفتكرها بعد فتره بمجرد لو حد سالنا فيها
وشكرا جدا يا د.سيد ع الموضوع الاكثر من رائع