pathway to higher education

لو سمحتم يا جماعه لو حد قدم فى موضوع pathway ده ياريت يقول لنا اتقبل ازاى لانى قدمت مره ومتقبلتش انا وصل ليا كلام ان الواحد لازم يكتب مبلغ مادى يقدر يدفعه علشان يتقبل
وديه حاجه انا مش متاكده منها
فبليز لو حد يعرف حاجه يقول لنا ويكون جزاه الله خيرا وع فكره التقديم احتمال ينتهى اخر الشهر ده فلو حد عايز يقدم يلحق يسجل ويمتحن وشكرا

السلام عليكم
ازيكم يا أحلى شباب؟ على فكره شباب دى ينفع للاولاد والبنات؟ ما علينا
بخصوص موضوع الpathway
شوفى انت عاوزه ايه وانا اقدر اسالك لان عندى ناس شغاله هناك من المعيدين زمايلى بس ياريت توضحى اكتر لانى مش فاهم انت تقصدى ايه وياريت تقولى لى انت عملت ايه من الاول يمكن اقدر اساعدك سلام د وسام

السلام عليكم
شكرا يا دكتور لردك والحمد لله اخيرا لقيت حد فاهم فى الموضوع ده حاجه
انا قدمت فى الباتوى ده السنه اللى فاتت وامتحنت ودرجات الامتحانات كانت كويسه جدا تقريبا كانت اعلى الدرجات اللى انا سمعتها ومليت الاستمارات ع النت كويس جدا لكن وانا بملاها كان فى سؤال بيسال اذا كنت تقدر تدفع فلوس تساعد المنحه وكعادة الشعب المصرى( ابو بلاش كتر منه)
اخترت لن استطيع وبعدين عملت الانترفيو كانت تحفه والدكتور اللى كان بيعمل لنا الانترفيو كان مبسوط جدا لان بيطرى مش بيدخل يتقدم منها كتير كل سنه
لكن المفاجاه كانت انى متقبلتش
فانا سؤالى اعمل ايه بظبط عشان اتقبل لان ديه اخر فرصه ليا لانها تقريبا للطلبه بس وانا خلاص التقديم الجاى هبقى من الخريجين ان شاء الله
فانا بقى عايزه اعرف مفتاح النجاح فيها ايه.؟
وهل هو الفلوس
وهل فى حاجه معاها ضروريه لازم نكون عارفينها
وانا ممتنه جدا لمساعدة حضرتك

بص يا د على هو صراحة انا لسه ماخدتوش لكن هو عامل زى قرصات التنميه البشريه
وانا اعرف انه مهم جدا وخاصة ان ديه منحه دوليه وتكاليفها ع حسابك كتير وهيا تقريبا للطلبه بس
وهيا 3 مناهج انا بتختار واحد عشان تدرسهوالمناهج هيا معرفى وسلوكى وادارى
وانا موجهة نظرى ليكم انكم تبدؤا تسجلو من دلوقتى وخاصة ان الموضوع سهل بالنسبه للمقمين فقنا لانه بيتدى ويخلص فى اجازة نص السنه ده لمنحة الشتا
وفى منحه فالصيف
وكمان راى تبدؤا تسجلو من دلوقتى لانى زى ما قلت مش اى حد بيتقبل لانه بيتقدما بالالاف وهما بياخدوا 300بالكتير فتخيلو ان الناس ديه لازم تتنقى ع الفرازه او كوسه بقى الله واعلم وده ع العموم الموقع علشان لو حد حب يسجل او يعرف اكتر
[ندعوك للتسجيل في المنتدى أو التعريف بنفسك لمعاينة هذا الرابط]

السلام عليكم
د وسام انا ان شاء الله هارد على كل استفساراتك يوم الاحد لما اقابل المسؤول عن الدوره دى من زمايلى وان شاء الله هاكلمه عليك علشان يساعدوك باذن الله فى انك تتقبلى السنه دى بس ماتنسيش الحلاوه بقى اوك
سلام

شكرا جدا لحضرتك يا دكتور ومستنين ردك بالخير ان شاء الله
اما بقى بخصوص الحلاوه
فانا تحت امركم جميعا من جنيه لجنيه وربع

لا طبعا مش اغلبية الناس بتتقبل
وصدقنى بيتقدم بالالاف وبيقبل فى الاخر 300 ع الاقل
وهو فعلا احتمال المنحه تنتهى السنه ديه
وكمان فيه حاجه التقديم لاى حد يعنى مش لازم يكون رابعه وخامسه ناس كتير من اولى بتقدم وتقبل بس لازم يكون الانجلش يكون كويس ياجماعه عشان الامتحان بيبقى كله بالانجلش

د.على الدوره بتكون فى اجازة نص السنه فالجامعه جواه
بس ياجماعه اللى عايز يقدم يلحق لان التسجيل ممكن يقفل اخر الشهر

انا اخدت الدورة دى ياوسام الصيف اللى عدى بس لازم تكتبى انك مقتدرة ماديا ولو تساهمى بمية جنيه للطالب ومتين جنيه للخريج وتملى الاستمارة وتعجبى الدكتور فى الانترفيو السهل جدا وربنا يوفقك وعلى فكرة انا اخدت كورسات تنمية بشرية فى شركات بره وكنت بدفع اكتر ومفيش اجمد من كورس الباثوى اللى فعلا هتستفيدى منه جدا ويارب الصعيد كله ياخد عشان مهم جدا وخصوصا للبنات

ياعلول الدورة كذا دفعه دفعه ف نص السنه ودفعتين فى اجازة الصيف ياريت تدخلوا على موقع الباثوى عشان تستفادوا اكتر
[ندعوك للتسجيل في المنتدى أو التعريف بنفسك لمعاينة هذا الرابط]