السكر غلى يا بيه ...

السلام عليكم ورحمة الله وبركاته



جه النهارده بدأ يوم جميل زي كل يوم في هذه البلد
التي لو بداخل الشخص منا ذرة خلية معندهاش دم تنادي بالإستمرار في العيش بها
ويجعله يقول يلا أي مكان المهم ألاقي نفسي هناك بني أدم من جديد
المهم ياعم نزلت الصبح بدري بدري يعني مش أي كلام وكل شيئ كان تمام
المهم وأنا راجع قلت أرطب علي جتتي كده بحاجه ساقعه وفتحت الثلا
وجبت كانز ألا وهو كما يدعوه ببلاد الفرنجه
بيبسي ماكس ياكبير
المهم طلعت ال 5 جنيه اللي بتخربش من جيبي وإديتها للراجل
لقيته بيديني 2.75 جنيه باقي
قلت له ياعم الحاج فاضل ربع جنيه
قالي ماهي غليت ياعم أصل السكر غلي
قلت له طيب دي مافيهاش سكر ؟!!!!!
قالي عليا الطلاق بال3 لو جيبتها أقل من كده لأديهالك ببلاش ياعم
المهم سيبته ومشيت وأنا متسائل
لقيت ثلاجات وأنا ماشي مكتوب عليها بخط يدوي ردئ
الكانز ب 2.25 جنيه
ماهذه السياسة التي تتبع مع هذا الشعب
نعم فهي طريقة الحاوي
ولعل أكبر حاوي أو ساحر في العالم ليقف لهذه الخدع الكبري متعجبا
فالحاوي يخدع ناظرية بيد واحده ويحضر الخدعه بيده الأخري
وهذا ما يحدث هنا كأس العالم للشباب الذي أنغمس فيه الكل
وعايزين تعرفوهم روحوا شجعوهم والدراسة وأنفلونزا الخنازير
واليد الأخر حضرت لنا المفاجأة إرتفاع الأسعار وبدايتها السكر طبعا
لأنها أول سلعة لما تغلي الباقي بيعلي معاها مافيهاش كلام
سيبكوا إنتوا بس وماحدش يزعل
حد عايز فلوس سلف ؟؟؟؟؟؟؟؟؟؟؟
طيب حد عنده عقد عمل ولو في المريخ؟