احنا اسفين دول مش فاهمين

قالوا علينا همج وحوش
قالوا علينا شباب مغشوش
ولاد وبنات نازلين فى ميدان
اكيد عاملين دماغ توهان
خمرة و بانجو واجندات
و ناس بتوزع ف الدولارات
والدليفرى كمان بالذات
فراخ كنتاكى بالسلطات
يا ناس كنتاكى مش شغال
بطلوا كدب الاعلام قال
يا ناس والله جالنا جفاف
بطلوا اكل فراخ وخشاف
قولنا الشرطة بتقتل فينا
قالوا خلاص سحبنا ادينا
والسجون بقدرة قادر
كلها هربت وقولنا يا ساتر
وبابا حسنى طلع بخطاب
بعد الناس ما راحولة ع الباب
قال انا منكم وعليكم
وياما عملت عشان ارضيكم
ومنتظرتش منكم حاجة
ماهو معزور مش فاهم حاجة
حرام يا ناس متظلموهوش
دول يا دوب كام ملطوش
يعملوا اية سبعين مليار
يادوب يجيبوا عيش وخيار
علشان جيمى ننوس عين مامتة
ولابن عز واحدة مولتو
معلش يا ريس واسفين
دة احنا شعب مش فاهمين
وعجبى





بقلمى

ياخراااشى يازوزة امووووووووووووووووورة موووت

يا خراااااااااااااشى عليكى و على كلامك الامور دة ميرسي يا قمر

ربنا يكرمك ياحبيبتى

اية يا بت يا وزة الحاجات الحلوة دى لا كدا بدات اطمن عليكى هترجعى وزتى بتاعة زمان ربنا ما يحرمنى من ضحكتك ابدا و لا يحرمنى منك ابدا يا اجمل اخت ف الدنيا ...................................بس حسابك معايا علشان نزلتيها قبل ما تسمعيهالى بس بجد بجد تحححححححححححححححححححححححححححححفة

رااااااااااااائع

مرسي يا هنا يا قمر و نورتى التوبيك............................................و يخليكى ليا يا ساسو يا حبى انا و ميحرمنيش منك ابدا بس حاولى تلمى لسانك شوية هاااااااااااااااااااا