رحلة شاب مشتت من الشك لليقين(الحلقه السابعه عشر){ نبدأ نرد.. }

من طرف **Dr.A.MATRIX** السبت 27 مارس 2010, 1:42 pm

الحلقة السابعة عشرة
{ نبدأ نرد.. }

رحلة شاب مشتت من الشك لليقين(الحلقه السابعه عشر){ نبدأ نرد.. } Fantasticpo2

شوفتوا آخر حلقتين؟؟؟

أعمل ايه.. مش بمزاجى

أنا حاولت انى أكون مؤدب على أد ما أقدر.. وسيبتكم بقة تشوفوا حزقيال23

بس برده نفسى أعرف.. مقتنعين ولا لأ؟؟

أصلى عايز أوضحلكم نقطة

زى ماقلتلكم أنا ماكنتش ظالم فى أحكامى

يعنى كنت مثلا أشوف الاتهام الموجه للكتاب المقدس.. وأعديه على عقلى

وكان فيه اتهامات كتير لا أساس لها من الصحة

واللى كتبها بيحاول بيها انه يشوش على الكتاب المقدس بزياده

والأمثلة من ده كتير

وانا ماكنتش بقتنع بيها انها تكون حاجة أو نقطة ضد الكتاب المقدس

عشان كده.. عايز أتأكد.. الى أنا قلتوا.. فعلا أقنعكم

كلام علمى ومنطقى؟؟ ولا ليكوا رأى تانى؟؟

ده حاجة تهمنى أوى

النهاردة بقة

عايز أكلمكم على حاجة غريبة

ان الغرب سهل اقناعهم عشان عقلين جدا وبيفكروا بعقلهم

وده بقة اللى أنا كنت عايز أوصله

الغرب عاقلين جدا.. أو بمعنى أصح.. العالم كله عاقل جدا.. حتى زنوج أفريقيا

الا العرب

دماغهم ج........ فعلا دماغهم ج........

عشان كده.. تلاقى نسبة الاسلام بتزيد فى الغرب والشرق عن العرب

وتلاقى كل الحملات الشرسة ضد الاسلام,, عاملينها عرب

وده بقة.. أغرب دليل على صدق الرسالة المحمدية

على صدق القرآن

تخيلوا معايا كده.. لو كان القرآن بلغة تانية غير العربية؟؟

كان ايه اللى حصل؟؟

كان ميين قدر يقنع العرب؟؟

عشان ربنا عارف العرب عشان هوه اللى خالقهم وخالق غيرهم.. وعارف ان دماغهم ناشفة

ومش ممكن لو الدين ده نزل على أى ناس تانية أو أى لغة تانية كانوا اقتنعوا

فكان لازم يكونوا هم فى مركز الأرض

عشان يكونوا هم الناس اللى تنزل عليهم الرسالة.. بلغتهم.. عشان يقتنعوا

أما باقى الأرض

عقلانببن جدا

بس محتاجين شوية جدل

ربنا يهدى الجميع

بصوا بقة ياجماعة.. اللى جاى حايكون كلام جد أوى

وهو اللى أنا عايز أوصله من ساعة مابدأت أكتب الرحلة ده

وعايز تركيز

أنا حا أجله للحلقة الجاية

حانبدأ نشوف شوية حاجات من اللى هم بياخدوها علينا

ونرد عليها

آيات وآيات.. ومواقف

انتوا عرفين انهم واخدين علينا حاجات كتير من الأحاديث

بس لو متابعين.. فأكيد انتم عارفين انى كنت حاطط قواعد

انكم عايزين تطلعوا غلط فى الإسلام.. يبقى من القرآن

فاكرين المفروض يطلعوا ايه؟؟

غلطات وتناقضات وكلام أهبل........ ((المقصود بكلام أهبل ده كلام من القرآن عشان محدش يصطاد في الميه العكره)).

وعلى فكرة.. حايبقى لينا برده وقفة مع الأحاديث اللى ماسكينها عالينا ونرد عليها ان شاء الله

وعشان أشوقكم شوية

نبدأ بحاجة هم واخدينها علينا فى القرآن

وانا لمحت عنها قبل كده

( وَهُوَ الَّذِي فِي السَّمَاء إِلَهٌ وَفِي الْأَرْضِ إِلَهٌ وَهُوَ الْحَكِيمُ الْعَلِيمُ )
{84الزخرف }

هم واخدين الحتة ده بيقولوا ايه؟؟

فى اللغة العربيه..لما تقول
"قابلت الضيف..وأكرمت الضيف"

تعرف ان الضيف واحد

لكن اما تقول

"قابلت ضيفا..وأكرمت ضيفا"

تعرف ان الضيف ده غير الضيف ده

طب ازاى القرآن يقول

"وَهُوَ الَّذِي فِي السَّمَاء إِلَهٌ وَفِي الْأَرْضِ إِلَه"؟؟؟
مش ده معناه انهم الهين؟؟ وبعترافكم؟؟

وبكده تكونوا بتقولوا نفس كلام المسيحين؟؟

ان يسوع هو الله فى الصورة البشرية؟؟ يعنى اله فى الأرض؟؟

فعلا الناس ده دارسة.. وفاهمة.. والمشكلة.. انهم بيكتبوا كلامهم فى مواقع على الملأ

ده كان الاتهام.. وعلى فكرة.. ده من أقوى الاتهامات

بس الشعراوى بقى الله يرحمه.. لحقنى فيها

حبقى أقولكم عليها وعلى غيرها بعدين

ان شاء الله
استنونى الحلقة الجاية

أنا عارف الحلقة ده كانت مملة شوية.. بس ده أصول المهنة..

أنا بوعدكم ان شاء الله ان الحلقة الجاية مشوقة جدا جدا جدا

خدوا بالكم من نفسكم

ولو سمحتم لو سمحتم لوسمحتم

ماتنسونيش فى دعاءكم

لا اله الا الله

رحلة شاب مشتت من الشك لليقين(الحلقه السابعه عشر){ نبدأ نرد.. } Fantasticpo2

نشاهد فى الحلقة القادمة :-

1-راجل غريب بدقن بيضة ظهر فجأة ةاختفى فاجأة
2- يا علما يا علما .. خدوا بالكوا يا علما
3-يا نهار اسود .. الفرق مش اقل من 2000 سنه !!!!!!!!