الي د محمد صلاح ممكن سؤال

من طرف **mygoal** الأحد 17 يناير 2010, 10:07 am

ممكن يا د\ محمد معلش سؤال انا عرفه انا تعبنا حضرتك معلش اصل احنا علينا امتحان البيو يوم الخميس ممكن اسئل ما معني
cis&trans
intra&inter polypeptide
معلش ا دكتور تعبت حضرتك جدا والله انا اسفه ودعوات حضرتك معنا ونبي يا دكتور اني ربنا يستورها معانا جمعا خصوصا انا ومحبه الله

من طرف **DRSALAHBIO** الأحد 17 يناير 2010, 10:42 am

السلام عليكم

انا شرحت الفرق بين الcis و trans قبل كده فى الاسئلة العلميه بس هشرحه تانى

اولا لازم يكون فى رابطه ثنائية عندى double bond علشان اعرف الcis الtrans وتبقى الرابطه الثنائيه عامله زى
المحور الى قاسم التركيب لنصفين يمين وشمال

لو كان الجزئين فى نفس الاتجاه يبقى اسميه cis ولو كان جزء يمين وجزء شمال اسميه trans

شوفى المثال صفحة 16 من تحت الفرق بين الفيوماريك
والماليك ايه؟ هتلاقى انى مجموعتين الكربوكسيل بتوع الفيوماريك فى اتجاهين مختلفين
على جانبى الرابطه الثنائيه لكن بصى كده على الماليك اسيد هتلاقى مجموعة
الكربوكسيل فى نفس الاتجاه.

وده يعتبر نوع من انواع المتناظرات لانى المركبين
بيكونوا زى بعض لكن الاختلاف هل هما فى نفس الاتجاه ولا فى اتجاهين مختلفين

بالنسبه للفرق بين intra poly peptide و inter polypeptide

اعرفيها قاعدة عامة مش فى البيو بس لكن فى كل الاقسام

Intra ومعناها
داخل لكن inter ومعناها بين

وهنا inter poly peptide طبعا انتى تقصدى الروابط الى
بتربط البيبتيدات وبعضها فى الحاله دى الروابط بتكون بين عديدات الببتيد وبعضها

لكن intra polypeptide وهنا معناها انى الروابط الموجوده
بتكون داخل عديده الببتيدات نفسها يعنى بنها وبين بعضها مش مع عديدات الببتييدات
الاخرى .

يارب تكونى فهمتى ولو مفهمتيش قولى وانا هشرحها باسلوب
تانى

من طرف **mygoal** الأحد 17 يناير 2010, 11:09 am

شكرا جدا يا د\محمد انا الحمد لله فهمت جزاك الله كل خير ووفقك لما تحب وترضى واسفه اذا كنت تعبت حضرتك

الي د\ محمد صلاح ممكن سؤال

الي د محمد صلاح ممكن سؤال

رد: الي د\ محمد صلاح ممكن سؤال

رد: الي د\ محمد صلاح ممكن سؤال