اللجنة الفنية

السلام على من اتبع الهدى ثم اهتدى

لقد شرفت هذا العام بتولي اللجنة الفنية بالإتحاد في كليتنا الحبيبة و أدعو كل من عنه مهارة أو هواية فنية (الرسم بأنواعه - النحت - الشعر........الخ) أن يتقدم حتى نستطيع أن ننظم حدثا فنيا بالكلية
و الله الموفق

مبروك على اللجنة الفنية اشراف حضرتك يادكتور

السلام عليكم
د/حازم انا بكتب شعر بس للاسف مش بكمل لاخر القصيده يعني ممكن نقول خواطر علي قدي ودي حاجه منها عاوزه اعرف راي حضرتك فيها
لسه يا دنيا يا ما حنشوف منك نبكي ونضحك ونتعب بردو مش تعبانين منك نقول ده نصيبنا وقدرنا وبنخاف بس الخوف بجد منك امتي حتسيبينا نعيش ونفرح بعيييييييييييييييييييد بعيد اوي عنك ؟؟؟؟؟؟؟؟؟؟؟؟؟؟؟؟؟

ودي حاجه تانيه

متي ياتي يوما لا حرب فيه ولا دمار000متي ياتي زمانا لا ذل فيه ولا انكسار 0000متي ياتي الحب الذي لايطارده عبث الصغار000000متي نمحي سهد الحياه ونعرف نتخذ القرار000000000000

وده مش شعر لكن زي خواطر كده
صمت اليوم عتاب وصمت الامس ضعف وصمت الغد سراب ولكن الصمت صمود في الحياه وكلام في القلب وصرخه في النفس0000

حضرتك يا دكتوره مشتركه فى اى اسره من الاسر الاربعه اللى فى الكليه ولالا؟ وعلى فكره فى عندك الدكتوره ساره فى الفرقه الرابعه دى شاعره ممتازه ممكن تفيدك فى الحوار ده وهى معايا فى الاسره ولو انتى فى سنه 2 او 3 تبقى اكيد شوفتى الاشعار اللى احنا نزلنها فى اسره شهرزاد السنين اللى فاتت وخدنا مركز كمان على مستوى الجامعه

السلام عليكم
انا في سنه تالته وكنت عاوزه اعرف راي حضراتكم لاني بكتب من 6 سنين تقريبا وكمان بقرا لشعراء كتير

فى سنه 3 يعنى شوفتى الاشعار اللى نزلنها قبل كده وبعدين انتى معاكى فى الدفعه الدكتوره رانيا شاعره ممتازه برده ممكن تاخدى رايها برده انا نزلتلها اشعار قبل كده والدكتوره ساره سنه 4 ولو عندك اشعار وعاوزه تنزليها هتيهالى فى الكليه وانا انزلهالك فى مجله الاسره

السلام عليكم و رحمة الله و بركاته

كل عام و أنتم الى الله أقرب و على طاعته أدوم

أنا الحقيقة كنت بفكر أعمل يوم زي برنامج مسرح المنوعات و اللى كان بيقدمه الإعلامي الراحل علي فايق زغلول منذ مدة طويلة و كان عبارة عن مسابقات بين الأسر في المعلومات العامة و الغناء و الشعر و ايضا التمثيل و مش شرط كل الأسر تشترك في كل المسابقات .
بخصوص أشعارك يا أمة الله فهي بجد رقيقة و ممكن أن تكتبيها مثل الرباعيات مثل صلاح جاهين و أرجو منك الأستمرار لأنها بالتأكيد ستنمي قدراتك و حرام أنك تهمليها و أنا مستعد لأي سؤال منك

يا كافو زي ما قلت لك لما نعمل المسابقات دى ممكن نشوف أفضل فريق للكلية.
أنا كلمت محمود رئيس الأتحاد في الفكرة علشان نساعد بعض في نجاحها.

أدعو الله التوفيق في إخراجها للنور بعيد عن الروتين

اولا شرف ليا يا دكتور حازم انك تقولي يا كافو ودي معناها كبير عندي جدا فوق ما تتصوروياريت يا دكتور بجد احنا من سنتين كنا بنعمل مسرحية بس للأسف مكنش فيه دعم وللأسف مش كملنا ايدك معانا يا دكتور والنصوص المسرحية عليا