هشتغل ايه بعد مخلص؟؟

بجد كلا مك رائع يا دكتور
وفعلا الحاجة الى ربنا بيرزقنا بها اروع حاجة وبالنسبة ليه الفيلد عشان انا بنت طبعا صعب بس نفسى اشد حالى واكون حاجة كويسة فى الجامعة لوغير كده ان شاء الله معمل تحليل بس سمعت انه اتلغى فقلت يبقى صيدلية هو احنا يا دكتور مش من حقنا نفتح صيدلية ولا ايه سمعت انى من حقنا بس شرط يكون 25% بيطرى ولا غلط والى ربنا هيرزوقنى بيه احلى حاجة اتمناها ان شاء الله

السلام عليكم د ابراهيم ان حبيت اعرض موضوع ناس كتير بتسالنى فيه. من زمايلك اما ياسيدى بالنسبة لموضوع ان فيه ناس مبتحبش تشتغل فيه لكن فيه ناس بتحب ده وبعدين ياابنى الفيلد ده متعه والمتعه الاكتر ان شغلك بتلاقيه قدامك والنتيجة بتظهر وانتا واقف وبتلاقى فرحه الناس واعجابهم بيك وانتا زى الساحر وياسلام خصوصا لو كانت حاله جراحه او ولادة وخد بالك انتا بتعالج وتساعد وانك سبب فى انقاذ روح خلقها ربنا. وعشان انا عارف ان فيه ناس مش بتحب الفيلد ذكرت كمان ان فيه دعايه وفيه معامل تحاليل ومش شرط انك تاخد دبلومه وتشتغل فى معمل او تفتح معمل انتا ممكن تتعين بيه فى مستشفى بشرى وده حصل مع ناس زمايلنا . وكمان انتا ممكن تشتغل فى حاجات كتير ممكن مجازر او محاجر وكمان الاطباء البيطريين مطلوبين للعمل فى الخارج وباجر مادى مغري . اما عن معامل التحاليل فلسه الكلام مخلصشى فيها وفيها عك وقضايا لسه بس احنا مش هنسكت ازاى يعنى يصرحوا لبتوع علوم يفتحوا معامل واحنا اللى درسنا اساسيات الطب منفتحش معمل . وذى مقلت لكم الشغل ده ونوعيته نصيب

بالنسبة للصيدلية انا معرفش موضوع اننا نفتح طيدلية بشرى بس معروف انا الصيدلية البشرة بيكون فيها جزء بيطرى وبعدين يادكتورة انتى عاوزة تفتحى صيدلية بشري ليه على الرغم من ان الصيدلية البيطرة عائدها المادى مجزى جدا ومكاسبها ممكن توصل ل 150 % ومجال المعممل كويس للبنات او لو شديتى حيلك فى الكلية او حتى الفيلد وفيه ناس بنات زمايلنا وشغالين فى الفيلد بسم الله ما شاء الله بس المهم انك تثبتى وجودك فى الفيلد وتكونى على قدر من المسئولية

وقال ايه على موضوع التحاليل بالظبط

بصوا ياشباب بالنسبة لموضوع المعامل انتوا متخافوش لان فيه ناس بتقلب فى الموضوع ده ومش ساكتين فمتقلقوش كلها مساله وقت ويرجع لنا الحق المسلوب . وعلى فكرة انا سمعت كمان ان الصيادله عاوزين يمنعونا كمان من اننا نفتح صيدليات بيطرى ويكون حق بيع الادويه البيطرية للصيادله فقط بس ده مش ممكن يحصل . وانا بقول ده مش عشان اخليكم تتعقدوا لا عشان اقولكم ان فرصنا فى الشغل كتيرة وايه اللى يخلى بتوع صيدلة يفكروا كده الا عشان عارفين المكسب الكبير فى الادوية البيطرية فاول متخلصوا الكلية وليه لما تخلصوا لو يقدر واحد فيكم يفتح صيدلية بيطرى دلوقتى يفتحها حتى لو غير قانونى من غير تصريح عادى هيكسب من الادوية كويس خالص وكمان الصيدليه البيطرى هتخليك تشتغل فى البلد وتتعرف فيها فمجالنا ياسباب لسه متعكرش والا عاف عليه الزمن لا مجالنا البيطرى لسه جذورة فى الارض بس مجتاج اللى يوقف ويكون قادر وعنده الثقة انه يكون دكتور بيطرى ناجح

بالنسبه لموضوع الصيادله الى عاوزين يقتصروا بيع الادويه البيطريه عليهم بس ده موضوع صعب جدا لانى السبب بسيط جدا جدا انى الدكتور البيطرى بيكون ماشى ومعاه كمان ادويته معاه لو سمح الامر وانى الدكتور البيطرى هوه الى بيكتب العلاج الى هيتصرف من الصيدليه يعنى الموضوع فى الول وفى الاخر فى ايده هوه
هما كمان الصيادله معزورين يا جماعه مش عارفيم يعملوا ايه ولا ايه ده الصيدليات بقت بتقفل الايام دى بجد من الزحمه الشديده فى عدد الصيدليات بس فى الاول وفى الاخر هما يحاولوا يشوفوا حل ليهم بس بعيد عننا احنا

ان شاء الله خير وشغلنا محفوظ ورزقنا لن ياخذه غيرنا

السلام عليكم طبعا بعد الكلام اللى قالة الدكتور محمد صبرى والدكتور محمد صلاح
يمكن انا وضعى مختلف شوية عنكم وانى فعلا دخلت التجربة العملى
والحمد لله اشتغلت فى شركة ادوية كويسة بس يااااااااااااااااااريت ياجماعة
ومعلش الناس تتقبل النصيحة دى مع انى عارف انة فى ناس تقيلة بالنسبالها
شهادتك وشغل الفيلد هما سلاحك اوعى تفرط فيهم شغل الفيلد
هيخليك تقعد وتحط رجل على رجل قصاد اى حد
عايز تشتغل فى الدعاية ماشى عايز تعمل اى حاجة ماشى بس اوعى تفرط فى شغل الفيلد حتى لو كارهاة
اللى انت كارهة دة هو سلاحك
يقفلوا المعامل شركات الدعاية بقت كتير والله ينور بتوع علوم طلعولنا فيها
وممكن واحد يجى ويشتغل بتلت مرتبك
فى اى حال من الاحوال شغلك فى ايدك مهما حصل يبقالك ضهر تتسند علية فى اى موقف
ناس كتير شغالة دعاية وفاتحة صيدليات بيطرى
وربنا يوفقكم

انا عن نفسى مش عاوز اشتغل خالص واتجوز واقعد فى البيت

شكرا يادكتور يعنى الصورة بدأت توضح شوية

الحمد لله اخيرا حد فكر ف خامسه
منور يا د صبرى
انا الحمد لله عارفه انا نفسى اشتغل ايه بس مش عارفه الطريق اليه اسلكه ازاى يعنى محتاجه جدا حد يدلى على الطريق لأنى حاسه انى ضايعه بس فى هدف ف دماغى الحمد لله

انا نفسى اشتغل فى الخيل بس هنا ف مصر الشغل ضعيف جدا
بس اللى عايزة اسأله : مزرعه زى مزرعه الزهراء ايه المطلوب منى عشان اشتغل فيها ؟
لازم طبعا ابقى عملاقه ف مجال الخيول وبما ان الجامعات البيطريه المصريه كلها بتهتم بالجانب الاقتصادى فتقريبا معلوماتنا عن الخيول زهيده جدا

انا فكرت اقدم ف شرطه بعد ما اخلص عشان ادخل مجال الخيول او كلاب الحراسه دى امنيه حيا تى قولوا

يارب ااااااااااااااااااااااااااااااامين
انا مبدأى برضوا زى ماقال الدكتور محمود ان روحى لازم تبقى ف ايدى-
يعنى لا مدير يخنق عليك ولا حاجه
بس قصه الفيلد بالنسبالى صعبه شويه لأنى اولا مش من قريه دى اهم حاجه مش لأنى بنت يعنى معرفش والله دواخل القرى عامله ازاى -
انا كمان نفسى افتح مزرعه ويارت دواجن حتى ف الاول بس طبعا ف مشكله ف كل ده
ان انا اكيد مش هقدر ادير مزرعه لوحدى اول متخرج كده
اكيد هبقى محتاجه حد يوجهنى .دكتور مراقب عليا او استشارى متخصص اكيد حضرتك مش هتبخل علينا يادكتور عشمنا ف حضرتك كبير بعد ربنا طبعا ولكم جزيل الشكر والاحترام
كمان فى حاجه هو لوعايزة افتح مزرعه لازم الارض يبقى ليها مواصفات معينه ولا ارض ف الصحرا تقوم بالواجب ؟واهو نصتصلح الاراضى
معلش انا عارفه ان دماغى ملخبطه شويه بس دى خزين خمس سنين مش بسأل حد والتقوقع اللى انا فيه بس الحمد لله فيها اولويات
رجاء بقا: ماسبق هو ده اللى فدماغى بس مش عارفه همشى ازاى عشان اوصل لأى هدف منهم انا محتاجه بس حد يوجهنى
واللى عايزه ربنا هو اللى هيكون ف الاخر (ونعم بالله)ء
وبجد انا مش عارفه اشكر حضرتك ازاى انك فتحت الموضوع ده
تسلم

والله بجد احلى حاجة بالنسبة ليه انى ربنا كرمنى بالكلية دى وتانى حاجة الى ربنا بيقسمه للواحد احسن حاجة ليه والله لما فكرت انى احنا الكلية العلمية الوحيدة الى لينا كذا اختيار
انا حكاية الفيلد نفسه مش حكاية انى الفسلد وحش انى اشتغل فيه لانى بنت حكاية انى الفلاح نفسه ممكن يقتنع كبنت اصلا تعالج هى دى الحكاية بس لانى اى حد هيقول الراجل اولى
وفعلا صيدليه كاملة بيطرى تكسب احسن بكتير وافضل مجالى وابقى فاهمة فيه
وفعلا الصيدليات بقى بالهبل فعلا بتاعت بشرى


والله ربنا يكرمنا بيه فى النهاية هو احسن حاجة لينا اكيد طبعا

هو محدش رد عليا ليييييييييه انا زعلالالالالالالالالالالالالالان