انترفيو فاينال فى فايزر

صباح الاناناس والقشطه ومعاكو بنعاود رحلتنا فى مشوار الانترفيوهات والحقيقة الانترفيو الفاينال دا مكنش انترفيو اقدر اسميه انتحار نفسى يعنى اللى عاوز يتحط تحت سترس نفسى غير عادى ويقيس الثبات النفسى يجرب الانترفيو دا
بداية كان مع مدير كبير فى شركة فايزر الراجل بصراحة كان محترم جدا وسمارت جدا
اولا هوا اللى بيدخل عليك فى قاعه الانتظار وممكن يغلس عليك زى اى حد بحيث انك متعرفش انك هتعمل الانترفيو مع الشخص دا بس الحقيقة نادانى عادى وقالى اتفضل معايا لك لكن مع ناس تانيه كان بيجرب اسلوب الاستفزاز والثبات الانفعالى زى مثلا انتا قاعد مستنى مين وحاطط رجل عل رجل ليه انتا فاكر نفسك فين وكلام من هذا القبيل المهم دخلت معاه المكتب وطبعا انا واخد فيدباك عنه من المندوبين كويس اوى وبدايه مكنتش بحاول اكشر عن انيابى بل بالعكس كنت متسامح ومبتسم لحد ما خفت انى سنانى تقع الحقيقة كان انترفيو صعب وتحت سترس عالى جدا اخد معايا نص ساعه ومع الناس كلها ساعه وشويه معرفش ليه والظاهر الموضوع فيه ان ولو انى دا كله نصيب قعد نص ساعه بس سأل يجى ميه سؤال وكل سؤال مترتب على اللى بعده
سألنى على كل حرف انا كاتبه فى الانترفيوهات لذا نصيحه الانترفيو يبقى واضح من غير اى مزايدات المهم عرفنا بنفسك والخ الخ
ايه اكتر ميزة فيك قلتله كذا طيب قولى موقف توضحلى فيه الميزة دى وايه اكتر عيب فيك وقولى موقف توضحلى فيه العيب دا واسئلة عجيبة جدا انها ورا بعض تماما يعنى محتاج انك تكون مركز وسرعه بديهه غير عادية وسؤال فى الفسيولوجى ايه هوا الديجوكسن اللى هوا الديجيتالز وتعالجه ازاى وسألنى فى الكورسات واخدتها ف كام ساعه ومين اللى كان بيدرسلك وايه اسوا قرار اخدته فى حياتك ولو رجعت بيك الايام كان نفسك تعمل ايه ومعملتوش اهم حاجه انك تكون محضر نفسك لاى سؤال تتوقعه او متتوقعهوش وكنت كاتب هواية الشطرنج فى السى فى قعد يسألنى فيها جامد وعلى فكرة طول الانترفيو تبص ع عنيه متوديهاش بعيد ومتركزش معاهم عشان طبيعى هتتأثر بيهم جدا وكمان اوعى تفكر فى اى انطباع ياخده اللى قدامك على اى اجابة عشان متتوترش لانى ممكن تكون بتقول حاجه نيجاتف عليك ويقولك هايل وممكن تكون بتقول حاجه ممتازة جدا ويضحك ضحكه سخرية برفع جانب من الشفه ههههههههههههههههه عليا النعمة انفع دكتور نفسى مش بيطرى ههههههههههه المهم وسألنى سؤال صعب فى الدعاية قالى لو انتا شغال على ايريا كذا وفى صيدلية بتكتبلك نص التارجت بتاعك وفجاة لقيت الصيدلى بتاعها هيجيب الدوا من مكان تانى بخصم احسن ومش هيدخل فى التارجت بتاعك تتصرف ازاى الحقيقة سكت ثانيه لانه سؤال صعب جدا فرديت قلتله انا هتكلم مع الشركة واحاول اعمل للصيدلى خصومات احسن واقدمله عروض او ارشحه مؤتمر عشان يتعامل ليجال معانا راح قالى السوبر فايزر بتاعك قال سياسة الشركة مينفعش تعمل كدا رحت قلتله اشوف الدكاترة اللى بتكتب للصيدلية دى واخف زياراتى عليها واعمل زيارات اكتر فى مناطق بيع تانيه وع فكرة الاجابة دى ضعيفه ومش مقنعه بس لازم ترد بأى فكرة ومتسكتش وبعد كدا دخل على اسئلة الثبات الانفعالى وراح بص كدا وقالى ايه الموبيل بتاعك دا موبيل وحش خالص رحت ابتسمت وقلتله الحقيقة انا شايفه شيك جدا وعاجبنى راح قالى تشترى الموبيل بتاعى دا قلتله نوعه ايه قالى سونى اريكسون قلتله ايه امكانياته قالى كذاوكذا وكذا رحت قلتله لا لا مشتريهوش قالى ليه قلتله غالى قالى وعرفت ازاى انه غالى قلتله سونى اريكسون وبالامكانيات دى اكيد غالى قالى بس دا يوسد وجميل جدا رحت قلتله لا انا مبحبش اليوسد انا بشترى نيو بس راح سألنى انتا خاطب قلتله لا معاك شقة قلتله اه من المدينه نفسها قلتله اه والانترفيو النهائى اسئلة شخصية بحته وتتوقع اى سؤال وتكون مجهز نفسك نفسيا لا اكثر ولا اقل وفى الاخر قالى تحب تسألنى اى سؤال قلتله لو انا اكسبتد ممكن اعرف فى اد ايه قالى اسبوعين ماكسيمام تلاته قلتله شكرا وسلام سلام واهينى قاعد ومستنى متصولش يبقى خسروا اهم عميل دعاية فى مصر ههههههههههههههههههههههههههههههههه وعليا الطلاق بعدها لاشتغل فى مكتب تحت السلم يالا صدعتكو وتصبحو ع فراولة ان شاء الله[/size]

عبود حمدالله بالسلامة ياباشا وربنا يوفقك ويكون نصيبك فى شركة كويسة ولا يهمك طبيعى تعمل مقابلة فى شركة واتنين وتلاتة يعنى دا الطبيعى وعلى فكرة الوضع فى فايزر الايام دى وحش اوى انا معايا اصحابى هناك فعلا وحش الناس بتزهق معاهم وتمشى


يمكن فى ملحوظة بسيطة طبعا انت بسم الله ماشاء الله تمام وعشرة على عشرة
بس مينفعش تقول اسيب الدكتورة مسيبهوش الا لو مات هههههههههههه
الصيدلى بيجيب من مكان تانى السوال دة هتتسالة فى اى انترفيو والاجابة انك هتستمر فى زياراتك للدكاترة لان مستحيل كل الروشتات هتنزل عنده لازم فى حاجة هتروح لباقى الصيدليات اللى حولية وانت هتبدا تلاقى حلول تانى زى تزود زياراتك لدكاترة تانى بحيث تزيد كتاباتهم بالاضافة للوحدات الصحية اللى بتشتغل جامد ودكاترة القرى لان القرى فيها دكاترة بتعمل يمكن اربعين كشف فى اليوم وكمان نواب المستشفيات فى العيادات الخارجية والمستوصفات والمستشفى الاستثمارى وهكذا

وربنا يوفقك وشد حيلك امون طالبة انا حاطط الاعلان فى فرص العمل بس الحق قبل يوم 13 وامون شركة حلوة وربنا يوفقك

go ahead
be strong

ثانكس على مرورك ياحبى بس ان شاء الله يتصلوا ان متفائل ومصر كلها لازم تتفائل هههههههههههههههه
عادى ياراجل انا والله مش عاوز اشتغل الوقتى حلوة قعده القهوة بليل وتشدلك حجرين شيشة لسه الحياة بيس ياحبى بعد كدا فى ملايين الشركات بس لما تبدأ كبير هتفضل طول عمرك كبير ع فكرة انا مستنى اخر اتناشر مظبط شركة الكون بتاعه القطرات هتشتريها شركه نوفارتس وانتا عارف دا احسن شغل دعاية انك تشتغل اوفثالمولوجى بس ولا قرف دكاترة ولا اسيستنت ودى اكبر شركة قطرات فى العالم وربنا يكرم ياحبى
ادعيلى انت بس ...... مكنش هشتغل فى مستلزمات طبية هههههههههههههههه اهم حاجه اشيش ومتغبش عنى لحظه ههههههههههههه تسلم على مرورك ياسكر

تسلملى ياعبود الكون ممتازة ونازلة عايزة تيم كامل
وربنا يوفقك واحلى من قاعدة الرجالة مفيش
هههههههههههههههههه