ارفع راسك فوق ...عشان ناخد مقاس قفاك

كان يا مكان فى سالف العصر والأوان شعب جامد وجبار بيتعمله حساب من الصغار والكبار . عماله شاطرين وطلبته واعيين والساسة يودوكوا البحر ويرجعوكوا عطشانين . وفى يوم من الأيام الطوال صحينا على نشرة الأخبار وسمعنا ناس بيقولوا على نفسهم أحرار . قالوا لنا نفضوا عنكم الغبار وإرفعوا راسكم زى الفنار دا اللى بيحكمكم خيرة الأخيار . وبعد ماعلينا راسنا بكل متانة لقينا إيد نازلة على قفانا . وقالوا إنتوا صدقتوا ولا إيه دول بقين بنقولهم علشان الكرسى ونسيطر عليه دانتوا شعب جبار ما يتحكمش غير بالحديد والنار وحانفضل وراكوا لحد مانخلى أذكاكم حمار .
العمال دول ناس غلبانين هنضحك عليهم بكلمتين .
والطلبة هنبوظ لهم المناهج علشان يفضلوا فى مذاكرتهم ملهيين .
والسياسيين سيبهم لأحزابهم وفى كراسيها متبتين .
والناس يفضلوا طول عمرهم ورا لقمة العيش جاريين .
وبكده يبقى الشعب كله لاليه فى الطور ولا فى الطحين . وفى طوابير العيش واقفين بالسنين . ويموتوا فى فى القطارات أو العبارات أوغرقانين.
ومهما يزيد عليهم الأنيين هنعمل نفسنا مش سامعين . وحانعمل ودن من طين وودن من عجين . لحد ماربنا ياخدهم كلهم وساعتها حانعيش سعدا ومبسوطين .

................المواطن المطحون..............

ef6reeeeeena

تسلم يا تريكه حب وانت ياد متيجى ترضعنى احسن هههههههههههههههههه ولا كمميله ولا جميله ههههههههههههههه اشطه