ابتسم....انت فى فرح مصري ههههه

وندخل جوه الفرح المصرى ونلقى الضوء ..تعالوا قربوا شويه كدهونابتســم ..انت فى فرح مصرى بجد!!

من البدايه كدا هتلاقى الدعوه بتاعت الفرح جايالك وعليها عباره ..


[جنه الاطفال منازلهم]ابتســم ..انت فى فرح مصرى بجد!!



يعنى من الاخر ابنك دا يقعد فى البيت ومايورناش وشه


احنا مش عارفين نأكل المعازيم لما هانأكل سعادته



لما تلاقى الزفه الدمياطى الازليه اياها


وبسم الله الرحمن الرحيم وهانبتدي الليله اااااه اااهابتســم ..انت فى فرح مصرى بجد!!



وتلاقى البنات بيجروا ورا العروسه عشان ينولوا شرف صحبتها كدا وهى داخله القاعه ويتقاسموا شرف انهم يشيلوا ديلها اقصد ديل الفستان



لما تلاقى العريس بيبخر العروس عشان الحسد احسن تتكسر ولا حاجه


وتلاقى العروسه بتبخر العريس احسن دا واخد عليها كمبيالات وشيكات


عشان قطع الغيار الغير متوفره وممكن يواديها فى داهيهابتســم ..انت فى فرح مصرى بجد!!



لما تلاقى بقا الستات بتمارس احسن هوايه ليها على مر التاريخ وهى النميمه


ويقعدوا بقا يقولوا:


انا عارفه يا ختى اخدها على ايه دا لا مال ولا جمالابتســم ..انت فى فرح مصرى بجد!!


والتانيه تقولها :


والله يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات



وتلاقى البنات بقا واقفه اللى تقول:


ايه دا فستانها بيئه اوى اياابتســم ..انت فى فرح مصرى بجد!!


والتانيه تقولها:


اكيد مأجراه من عند الكوافير اللى عملها التسريحه اللى شبه تسريحه المجانين دى



لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز



لما اول حجه تسمعها اول ما تدخل القاعه وقبل ما تشوف العروسه والعريس


اغنيه هشام عباس (اسماء الله الحسنى)



لما تلاقى بتاع الكاميرا بيزوووم على الشبكه كانها مثلا قلاده الملكه اليزابيث الخامسه والعشرينابتســم ..انت فى فرح مصرى بجد!!

وتلاقى كل المعازيم هايماوتوا بعض وينطوا فوق بعض عشان يتفرجوا عليها



لما العريس والعروسه يرقصوا الرقصه الرومانسيه الازليه على اغنيه(غمض عينيك واحلم معايا) او اغنيه تامر حسنى(ومايحرمنيش منك)ابتســم ..انت فى فرح مصرى بجد!!


وكل البشر بيصوروهم بكاميرا الموبايل وهما بيقولوا لبعض


(ياترى بيقولها ايه)



لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)ابتســم ..انت فى فرح مصرى بجد!!



لما تلاقى ام العريس كل نص ساعه وتمسح عرق ابنها وتقوله


(يا بنى كفايه مش كده ...ماتهدش نفسك)ابتســم ..انت فى فرح مصرى بجد!!



لما تسمع السؤال الابدي


(هو البوفيه هايفتح امتى...الواحد جاع)ابتســم ..انت فى فرح مصرى بجد!!



لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك



لما تسمع الناس وهيه بتقول


لالالا بس الاكل مكانش قد كده


بعد تناول الطعام مباشره وعلى راى المثل


(بعد ماكل واتكى قال رحته مستكه)ابتســم ..انت فى فرح مصرى بجد!!



لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه


و العروسه بقى بتزلهم




لما تلاقى ام العروسه بتقول للعريس


خد بالك منها يا حبيبي


والعريس يقولها


دى فى عينى يا طنط




لما تلاقي العربيه بتاعه العروسه فيها جميع انواع والوان الورد


و دلوقتي الموضه الجديده بقى البيبي لايت



لما تلاقى الزفه انطلقت فى الشوارع مسببه الازعاج لخلق الله


وبيب بيب بيب بيب بيب بيب بيب بيب بيب بيبابتســم ..انت فى فرح مصرى بجد!!

جميل جدا يا دوك
بس انا عندى شويه ملاحظات
اولا.صاحباتها بيشدوا فى ديلها مش علشان ميتوخش ولا حاجه
لا ده هما بعيد عنك عايزين يطلعوا فى الفديو بتاع الفرح علشان يتجوزوا هما كمان ويحصلوها والفائده تعم على الامه
ثانيا.الستات الكبيره مش بتنم ولا حاجه ده هما دلوقتى بيشتغلوا خطبه بردو علشان الفائده تعم
ثالثا واخيرا ..انا مفهمتش الحته بتاعه (يا بنى كفايه مش كده ...ماتهدش نفسك)
ياريت بس توضحى لانى بجد معرفتش القطها
وميرسي على الموضوع

ههههههههههههههه
انا خلاص سكرت من الضحك يازوزو ده توبيك تحفه اوى


تسلم الايادى

هههههههههههههههههههههههههههههههههههه
توبيك تحفة ياد.زينب والله تحفة
تسلم الأيادى ياقمر

ههههههههههههههههههههههههه


بس مش حلو اوى يعنى .. دا جااااااااااااااااااااااااااااااااااامد يا دوك .. تسلم الايادى

ثاااااااااااااااااااااااانكس ليكوا كلكو يا ريناد و دوك مصطفى و دوك تريكة و واو و عاشق كشك نورتوا التوبيك بجد