مسلسل سعديه الصعيديه وميدو الاستايل....الحلقه الاولى

الحلقه الاولى

جه جواب التنسيق لسعديه وفتخت الجواب لقت جامعه القاهره
سعديه : يا دى اليوم لاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص
وجه معاد السفر
ركبت سعديه القطر وفى طريقها للقاهره
سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى
وصلت سعديه وراحت عند عمها خبطت على الباب فتحت مرات عمها
سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية ازيك يا بتى واللي في البلدعاملين ايه
سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه زى ما يكونوا مكهربين
دول ما يجلوش حاده عن البنات
عشنا وشفنا وانا مالى انا الحج بجى محاضراتى
ودخلت بقى سعديه قاعه المحاضرات
بتدور على مكان تقعد فيه
سعديه : ايوووووووووه يا ولاد ايه الى بيحصل ده
الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا
انا هفضل واجفه احسن
دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده عادى لا والله ما يحصل ولا يكون
الدكتور:ههههههه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت سعديه واتعرفت عليها انتى اسمك ايه قالتلها اسمى ندى وانتى قالتلها سعديه المهم بعد ما خلصت المحاضره اتعرفوا على بعض وبقوا صحاب اوى
وخلص اليوم وخلصت المحاضرات وجه معاد انها تمشى لبيت عمها
خرجت سعديه هى وندى
وبعدين

نتاااااااااااااااااااااابع
فى الحلقه الجايه

من طرف **محبة الله** الأحد 12 سبتمبر 2010, 8:26 pm

جزاكم الله خيرا بس يا ريت ما تكون حلقات كتير
لاننا هنروح الجامعة خلاص زى سعدية هههه
فمش هنقدر نكمل
جزاكم الله خيرا

هم 26
لوتحبو انزل حلقتين ف اليوم مفيش مشاكل

من طرف **محبة الله** الإثنين 13 سبتمبر 2010, 12:11 am

يا ريت 3 كمان انا اسفة بس احسن لانى صعب فى الجامعة خالص
جواكم الله خيرا

من طرف **treka** الإثنين 13 سبتمبر 2010, 5:42 am

اشطاااااااااااات ههههههههههههههه

بجد انا مش بضحك غ ع اللهجه بتاعتها

اكيييييييد بنت ديه م سوهاج...ههههههههههه

من طرف **محبة الله** الثلاثاء 14 سبتمبر 2010, 8:21 pm

شكرا جدااااااااااااااا لحضرتك يا دكتور
بس انا عافة حضرتك بنهزر
بس هو بنات سوهاج فى بيطرى قنا بيتكلموا كده يعنى
وشمعنه سوهاج
وشكرا جدا لحضرتك

من طرف **treka** الأربعاء 15 سبتمبر 2010, 3:46 am

ع ف انا بهرج
وناس سوهاج انا بحبهم جداااا
وانا اما قولت ده قولته بدافع تهريج مش اكتر
لان فعلا ف ناس ف سوهاج بتكلم بطريقه ديت تيبيكال....وانا مش قصدى ان اعيب ف حد بس ده مجرد تهريج
ولو مدايقك اووى سوهاج نخليها قنااااااااااااااا
وسورى لو تهريجى دايقك اووى كده ....لان مبقصدش ارخم ع حد

انا اسفة جداااااا والله بس انا قلت لحضرتك انا
عارفة حضرتك بتهزر بس اشمعنه سوهاج
بس وحصل خير انا اسفة واى حد من قرية فى اى محافظة بيتكلم كده وعادى جدا
والله
وده ما يعيب حد لانه غصب عنه تربيته كان فى طبيعة تجعله يتكلم كده وعادى فى القوافل بنشوف كده كتير
فكان سؤال
وحصل خير انا اسفة

من طرف **mygoal** الأربعاء 15 سبتمبر 2010, 10:37 am

جميله جدا جدا
هدور علي الحلقه التانيه واقرائها
جزاك الله خيرا

مسلسل سعديه الصعيديه وميدو الاستايل....الحلقه الاولى

مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى

رد: مسلسل سعديه الصعيديه وميدو الاستايل....الحلقه الاولى