قصه " لولو & ميدو وانت معاهم "

من طرف **federerson** السبت 03 أبريل 2010, 6:46 pm

السلام عليكم ورحمه الله
وبركاته

ازيكم يا احلى اعضاء

انهاردة معانا
قصه واخرها سؤال

القصه بين

" لولو & ميدو "

فى
يوم كدة ميدو كان مأنتخ علي السرير الساعة اتنين بالليل ومضلم الأوضة
ومسلك سلك التليفون من الصاله وواخد غطس تحت اللحاف

كلم لولو حبيبه قلبه
وبعد رغى كتييييييييييييير

لولو : بتحبني ياميدو؟

ميدو
: طبعا يا لولو ده انتي الهوا اللي بتنفسه والميه اللي بشربها
" ناقص تقولها السجارة اللي بتكيفني"

لولو:يعني مش هتتخلي عني
أبدا عمري ياحبي وحتي تنطفيء النجوم وحتي يقع القمروحتي يفوز الزمالك علي
الأهلي

ميدو : عيب تقولي كده
يا لولوسمعتي أغنية بحبك بتاعة رامي صبري؟.

لولو :اه مالها
ياحبيبي....

ميدو: كل كلمة فيها بتفكرني بيكي
يانور عيني بحبك نفسي أقولهالك وانا ايدي في ايديك....

وفجأه.
نعم
يا.........؟ طبعا مش هكمل !!

.وهنا
هنقول ستوب ونوقف المشهد
ونبدأ نسأل السؤال لو انت مكان ميدو هتعمل ايه ساعتها؟

ايه رائيكوا نتخيل سيناريوهات للى هيحصل

*ممكن مثلا تقفل السكة وطبعا لمدة اتناشر سنه قدام هتلاقي
البت تليفونها مقفول ومبتجيش الكليه
والسيناريو
ده يجرنا لتساؤل تاني
في الحاله
دي تعمل واد محترم بقي وتروح تتقدملها وغرضي شريف واسف ياعمي وجاي من
الباب والكلام ده

ولا تبقي واد
روش موديل 2007 خارج من الاجنص حالا وتخلي واحدة صاحبتها تكلمها؟

ولا تطلع ندل وتنفضلها واهو البنات اكتر من الهم
علي القلب وتيجي واحدة مكانها؟

ده
سيناريو مكتمل محتمل للي ممكن يحصل
فيه
سيناريو تاني

.نعم يا.........؟......ده أبوها
ساعتها
انت موش هتقفل السكة ثواني ياعمي أنا والله بحب لولو بس مستني وقت أرتبط
بيها
وهنا هيختلف رد فعل الأب حسب شخصيته
يعني ممكن يكون راجل جنتل ويقولك حب ايه ياحيلة الست الحاجة روح ياض العب
بعيد
وممكن يكون راجل عقلاني....

هو يابني اللي يحب حد يكلمه الساعة دي لو اختك ترضي حد
يكلمها كده؟
يابني اللي بيحب حد ميخلهوش يعمل حاجه غلط ولو حتي باسم الحب

دة على اساس انه عقلانى
هه

.وعموما يابني ممكن أعرف انت عايز ايه دلوقت؟
وهنا هتبان نواياك يااما تاخد منه معاد تقابله
وتكلمه وتشرحله ظروفك
يااما تقول ياعمي انا نفسي اكلمها وافضل معاها سنتين تلاتة لحد مااكون
نفسي

وطبعا بما أنه راجل محترم فرده
هيبقي

تك صوت سماعة بتتحط وسكة بتتقفل في وشك

فيه سيناريو تالت

أنك تطلع ندل وترد عليه ماتشتمش يابا الحاج انت متلم بنتك ياأخويا انا
مضربتهاش علي اديدها وطبعا رد فعل الراجل علي بق زي ده يااما هيقع علي
الكرسي من الصدمة وتسمع صوت
(بابا بابا)

أو هيرد علي كلامك

وممكن
يبقي فيه سيناريو رابع

أول ماابوها
يدخل...هتلاقي

لولو: ثواني يا ميدو...
بتدلعك
ياعم مين قدك يابختك
فيه حاجة
يابابا مخبطتش ليه قبل ماتدخل.

بابا: معلش
يا لولو اصلي كنت بدور علي حاجة معلش اني مخبطتش

لولو :طيب يابابا عاوز
حاجة؟
بابا: لا خلاص هدور في أوضة تانية

.لو أبوها راجل ودمه حامي فيبقي اللي تقدر تعمله بس انها تكون
لها علاقات في المستشفيات خصوصا قسم العظام عشان يتوصوا بيها و بيك انت
كمان

لو انتوا (الشباب طبعا) مكان
ميدو هتعملوا ايه عايزه الرد بصراااااحه

من طرف **federerson** الأحد 04 أبريل 2010, 11:42 am

شكل القصة مش حلوة

من طرف **treka** الأحد 04 أبريل 2010, 12:33 pm

ع فكره منش فاهم القصه كويس
ياريت توضحها اكتر
ع شكلها كده بتناقش حاجه مهمه
وهى ان الصبيان بياخدوا بنات تسليه وبس

من طرف **federerson** الأحد 04 أبريل 2010, 12:52 pm

يا تريكة القصة بتحكى عن حال الشباب
يعنى مثلا الشاب يبين للبنت انه اكتر واحد بيحبها فى الكون لكن لا يجى الجد والبنت تقوله تعالى كلم بابا يهرب ويندل
فى القصة لما ابوها كبس وسمع الكلام
انت لو مكان ميدو هتعمل ايه
فهمت؟

من طرف dralielwardany الأحد 04 أبريل 2010, 10:00 pm

لا شك يا فيدرير انه الحب اجمل شئ في الكون
بس مش حب لولو وميدو يا عم دا من اسمائهم باين انهم سييييييييييس ههههههههههه
عموما يعني الحب يعني حياه يعني انا وحبيبي روح واحده في جسدين
يعني وفاء تضحيه وكل شئ حلو
مش حب التسليه بتاع لولو وميدو

من طرف **treka** الإثنين 05 أبريل 2010, 12:34 pm

بص هو توبيك ده جااااااامد
وفعلا ال قولته بيحصل
ف صبيان بتاخد حب تسليه
والايام دى كمان بنات وربنا بياخدوه تسليه
انا بقا لو مكان حد ده
اولا انا لو بحب بنت وبجد وعاوز موضوع يبقا ف نور
هخليها تقول لمامتها انها ع علاقه حب مع انسان كذا وتشرحلها كل حاجه عنى
ع ما احسش ان بعمل حاجه زى سرقه
وكمان مش اخلى بنت تسقط من نظر نفسها ع مش تحس انها بتخدع اهلها
وكمان ع ربنا يكرمنا ويحققلنا الى بنتمناه

قصه " لولو & ميدو وانت معاهم "

قصه " لولو & ميدو وانت معاهم "

رد: قصه " لولو & ميدو وانت معاهم "

رد: قصه " لولو & ميدو وانت معاهم "

رد: قصه " لولو & ميدو وانت معاهم "

رد: قصه " لولو & ميدو وانت معاهم "

رد: قصه " لولو & ميدو وانت معاهم "