حكاية حلوة جدا (نمرة تليفون بابا ....010)لازم تقراها

هى بعباية طويلة وطرحة ملونة جميلة ووجه برىء مبتسم دائما..و.ماسكة كمية
كتب مهولة


فاتت ........كتبها وقعت ...حاول يلمهلها ...(انتو عارفين الشباب المصري
خدوم اد ايه)

هى:متشكره اوى (ووشها احمرمن كتر الكسفة يا عينى)

لاول مره يرفع عينه ويشوفها
هو:لا عادي ولا يهمك(فى اسبهلال)


تمشى ونظراته مش قادره تفارقها

هو:مش ممكن البراءة دي (فى سره)
يعود لاصدقاءه



هو:ياااااه ..ايه ده؟ قصدي مين دي ؟انا اول مره
اشوف البنت دي...هى سنه كام؟

صحابه:دي معانا يابرنس .بس سيبك خنيقة
مووووت..اصلها من النوع الدحيح ..اللى بيحضر ووجع الدماغ ده ...يا شيخ دي
بت معقده...انت قولتلى سيبت جيجى ليه؟يامان خالد كان بيوصلها بعربيته عشان
كنا بليل طالعين ومفيش مواصلات..متبقاش خنيق يا مان


وصاحبه قاعد يتكلم ويتكلم وصاحبنا ولا هو هنا

لاول مره فى حياته يحس بحاجه .احساس بالامان ...العودة للوطن...حضن
امى...احساس حلو اوى....



هوفى سره)هى رايحه فين؟نظراته بتراقبها؟.....المسجد!!!!

احساس دخيل لاول مرة يشعر بيه...انا عمري ما دخلت مسجد الكليه ولا اعرف
شكله...ده انا بصلى الجمعة بزن امى

مستنيها(فاضى بقى )

هو:لو سمحتى ممكن كلمة

هى:فى حاجه حضرتك؟

هو:بس كنت عاوز اعرف اسمك

تمشى (فى سرها ده عبيط ده ولا ايه؟)

اتكررت محاولات اخينا مليون مرةوطبعا دون جدوي

الموضوع ف الاول كان تحدي واثبات لنفسه ان الكبير كبير وعاوز يكلمها باي
طريقة.ايوة اشمعنه دي ..دي كل البنات هتموت لو اشارة منو

لكن كل المحاولات فشلت

بس هو كان مش موضوع تحدي كان حب ...ايوة حب ..بس حب جميل اوى ..نضيف
اوى...برىء اوى

...قال خلاص مبدهاش انا هدخلها من طريق تانى!!!الجواز!!

ياسلالالالالالالالالام(ده انا اللى بقول)

هو:لو سمحتى انا معجب بيكى...وعاوز اتقدم ليكى


هى:تتقدم لى !!!انا اسفه مينفعش

هو:انتى مرتبطة(واحساس بصدمة رهيبة هيسمعها)


هى:لا بس انا عاوزه ارتبط بشخص ملتزم.....ومشت
وكانت الكلمة دي اكبر صدمه سمعها فى حياته

حس احساس رهيب ولاول مرة يسمع الكلمه دي ويفكر فيها ....



بيبص للبسه!

لشكله!

لعلبة السجايرو(واخواتهاا)اللى فى ايده!

لموبايله اللى مليان تليفونات بنات ومسجات بشعه!و........وو..انا مين؟انا
ايه؟.

ويمر شريط حياته لاول مره امام عينيه ....يااااااااه انا فاشل اوى
كده...ياه انا بشع كده

انا استاهل انها ترفضنى.!.. يبص لحياته لاول مرةو يفهم يعنى ايه كلمة
ملتزم...

الله اكبر ...الله اكبر.....(اذان العصر )لاول مرة ياخد باله من الاذان


شافها داخله مسجد البنات....

بلا شعور لقى نفسه فى المسجد.....بس انا مش متوضى !...راح واتوضى

وعيط ...ايوة قعد يعيط وهو بيتوضى ويقول مستحيل ربنا يسامحنى ده ولا كل
الميه تنضفنى انا والذنوب اللى عملتها

سمع هاتف..وأيه كان بيقراها وهو صغير(قل يا عبادي الذين اسرفوا على انفسهم
لا تقنطوا من رحمة الله.ان الله يغفر الذنوب جميعا.انه هو الغفور
الرحيم)زاد عياطه وصوته بيقول يااااااااااااااااارب يااااااااااااااارب



صللى وعيط فى خشوعه وركوعه وسجوده...بعد ما خلص مخرجش ...قعد يناجى ربنا
شويه...وخرج

عارفين احساسه كان عامل ازاي؟انا مش قادره اوصفه؟رجع تانى بنى ادم ربانى
رجع تانى لقلبه رجع تانى ضميره رجع لكل حاجه حلوة كانت ضايعه منو فى ايام
الضياع !!!

صحابه:............ايه يابرنس كنت فين قالبين الدنيا عليك موبيلك مقفول
..ايه كنت فين؟

مسمعهمش ..مشى فى طريقه ..مش شايف حد ادامه ..مش شايف غير طريق نور ركب
عربيته وصل بيته باس ايد امه



دخل اوضته قطع الصور ...نضف الكومبيوتر...رمى شريحته...نضف حياته ...مسك
قلم وورقة وقال


انا بنى ادم جديد


انا بقيت نضيف


غاب عن جامعته شهر.... بيعيد نظام حياته يصلح علاقاته بيحب اهله ولاول مره
بيتكلم بجد وبحب مع اخواته

ياااااااااه انا اخواتى بيحبونى اوى كده .....وامه بالدعاوى ماشيه
وراه...لفلها وقالها بحبك ياامى وباس ايدها

نزل راح الجامعه .....اتصدموا من شكلوا...صلح حاجات كتيييييييير
معاهم...بعد عنهم ....

شاااافها!!!

..اتغير لونها وبريق عنيها اول ماشافته..............زى ما يكون........


هو طبعا مش مصدق نفسه..ولا هى مصدقه شكله ولاعلامة الصلاه والنور اللى بقت
فى وشه!!



قالها :لسه مينفعش؟

قالتله:رقم تليفون بابا...................... ..010.....














__________________

اللهم ارزقنى حسن الظن
بك و صدق التوكل عليك
اللهم اكفنى بحلالك عن حرامك و اغننى بفضلك
عمن سواك
اللهم لا تحرمنى من لذة النظر الى وجهك
الكريم
اللهم اغفر للمومنين و المومنات الاحياء منهم و الاموات
اللهم اجعلنى من الصابرين لك على اى حال
اللهم اعنى على ذكرك و شكرك و حسن عبادتك

امين امين امين..................بجد يا دكتور رووووووووووووعة
ربنا يهدى جميع شباب المسلمين يا رب

جميله جدااااااااااااا ويارب يهدى جميع الشباب 0.............. وعايزين حاجات من دى كتير يا دكتر

امين امين يا رب العالمين
اللهم اهدنا واهدي بنا
الهم اهدي امه المصطفي اجمعين يا رب
بجد موضوع رائع جدا

هيا حكايه جميله بس احلى حاجه عجبتنى فيها وهو بيوصف احساس الشاب اللى بيرجع لربه تانى
والله يا جماعه ربنا رحيم بينا اوووووووووووووووى وكريم اوى اوى
ومش بيرضى لنا غير بالخير
ويارب كلنا نحبه حبا فيه مش رهبة منه

شكرا ليكم جميعا
بس يارب القصة تأثر فينا ونحاول نعرف طريقنا اللي هو الطريق الصح الطريق اللي يوصلنا للهدايه والدوام على طاعة ربنا وان ربنا مهما عمل عبده اكيد هايسامحه ويغفرله لان ربنا غفور رحيم بعباده
قال تعالى*قل يا عبادي الذين اسرفوا لا تقنطوا من رحمة الله*
ونعرف ان اللي حصل ده كان سبب من الاسباب علشان يرجع لربنا
وربنا يهدي شباب المسلمين جميعا
آميـــــــــــــــــــــــــــــــــــن