دعوه للتفاؤل

موضوع رائع ويعطيك العافيه

والله فكره حلوه جدا يا د.زينب انك سالتى الناس وكمان سالتى شريحة الدكاتره
لا ومش اى دكاتره .....دكاتره من كليتنا ........يعنى شغلك كله واقعى جدا جدا ومن ارض الواقع كما يقال
وانا مع اغلبية الاراء اللى اتقالت
بس ياريت متغبيش علينا فالحلقه الجايه لان فكرة الموضوع ودعوتك للتفاؤل اكثر من رائعه ومستنين منك المزيد

فكرة حلوة اوى
وانا بامل انكم تكملوا هذه الدعوة
لانها ان شاء الله حتفيدنا

الشباب
عايز يتكلم وعايز حد يسمعه لأنه محتاج حد يحتضنه .
فعلا د/حازم
احنا محتاجين حد يسمعنا
مش دكتور او استاذ يشرح المحاضرة ويجرى
اسفة بس ده اللى بيحصل غالبا ف معظم المواد
وكمان نفسنا حد يسمع ارائنا وافكارنا مش ف اطار الدراسة وبس لا ف كل مجالات الحياة
مش كل ما نتكلم الناس تضحك علينا او تحرجنا

بحيكى يا دكتورة زينب على الموضوع الفوق رائع دة

وبجد انا استفدت من اراء الدكاترة الافاضل

بجد فكرة رررررررررررررررررائعة جدا
جزاك الله كل خير
ويا رب جميعا امة الحبيب عليه افضل الصلاة والسلام يبقوا قدوتهم الحبيب عليه افضل الصلاة والسلام
وكل بنت تهتبر نفسها بنت الحبيب عليه افضل الصلاة والسلام
وتبص دائما فى تصرفتها واخلاقها ولبسها وتشوف ده لبس ينفع يكون لبس بنت الحبيب عليه افضل الصلاة والسلام
احبك ربى وعجلت اليك ربى لترضى
اللهم صلى وسلم وبارك على سيدى وحبيبى عليه افضل الصلاة والسلام

أهلا ...في الجزء الأول من مقالة الشهر ده سمعنا فيها آراء الجيل الأكبر منا في شباب اليوم ........إيه رأيكم تحبوا تسمعوا آراء الشباب في جيلهم .......تعالوا نسألهم و نشوف رأيهم إيه وفي نفس الوقت نعرف إيه النصيحة اللي يقدموها ..

ودلوقتي اربطوا حزام الأمان علشان حنبدأ الرحلة ...

*أحمد .... طب بيطري (الفرقة الخامسة )

الشباب يمتلك طاقات جبارة ولكن للأسف لا يوجد من يستطيع أن يخرج منهم هذه الطاقات لكن لا أعرف هل بسبب رغبة من أحد في أن يبقي الشباب سلبيا بهذه الصورة أم أن الطرق المتبعة للتعامل مع الشباب غير صحيحة لذلك فلابد من التواصل الفكري بين الشباب ذو الفئة العمرية الصغيرة وبين المسئولين في الدولة لكي يستطيعوا التوصل إلي مشاكلهم الداخلية وهذا ما بدأ بالفعل حدوثه وهو تواجد عناصر شابة في المناصب المسئولة في الدولة ولكن يجب علي الشباب أن يتفاعلوا مع هذه العناصر ويشاركوا بآرائهم ورغباتهم لكي نصل إلي مستقبل مشرق بالشباب أمل المستقبل ."ولكي يحدث ذلك لابد للشباب الابتعاد عن الهوائية والمظاهر الخادعة وأن ينتبهوا بجدية إلي مستقبلهم والتفكير فيه بمصداقية أكثر من خلال تحديد هدفهم علي الأقل والسعي لتحقيقه بدون أن يضع لنفسه معوقات من البداية لأن هذا الهدف لا يمكن تحقيقه هكذا لذا يجب عليه السعي أولا والسعي بجدية ...

وآمل أن يحدث ذلك ...............

أ....طب بشري (الفرقة الثالثة )

بصراحة الشباب نوعين .......نوع مهتم بالبنات والنت والأغاني والنوع التاني كويس.....

أنصحهم بالالتزام بطريق الإسلام والابتعاد عما يشغلهم .

ع.... طب بيطري (الفرقة الرابعة )

في شباب كويس وشباب غير كويس بس الشباب بتقابله صعوبات كتير .....

أنصحهم بأن يلتفتوا لتعليهم ويقوي علاقتهم بربنا ...

عزة ....كلية الآداب (الفرقة الرابعة )

في شباب كتير كويس بس محتاج اللي يوجههم إلي الطريق الصحيح .....

أنصحهم بألا يعتمدوا علي الآخرين في كل حاجة ويكون عندهم إرادة وعزيمة .....

ياسمين ....طب بيطري (الفرقة الرابعة )

شباب اليوم مظلوم بس عايش الدور ومستسلم للواقع ومبيحبش يواجه .....

أنصحهم بأن ينموا الجانب الكويس وينسوا الفشل ويتقربوا من ربنا.......

ن.... كلية الآداب (الفرقة الرابعة )

في شباب عايز يتعلم وبيسعي لكدا برغم كل الصعوبات علشان يحقق هدفه إما الجانب الآخر مهتم بالأفلام والأغاني علشان كدا بيكونوا غير صادقين مع نفسهم .....

أنصحهم ؟أن كل شاب يبدأ بنفسه أولا ......

ر .... طب بيطري (الفرقة الثالثة )

شباب ضايع علشان مالوش هدف ومابيعملش حاجة مفيدة وتفكيره سلبي وكمان الظروف المحيطة بيه ممكن تكون هي اللي وصلته لكدا .....

أنصحهم بإيه .....هو مش محتاج نصيحة بس محتاج حد يقوده

وكمان يقوي علاقته بربنا ......

شيماء ....كلية التربية (الفرقة الرابعة )

جيلنا أتعلم غلط علشان كدا حنعلم غلط ...,.....

أنصح بأن المتخصصين يقوموا بقيادة الشباب ......

أسماء .... كلية الآداب (الفرقة الرابعة)

مش كلهم وحشين ومش كلهم كويسين .......

أنصحهم بأن يحددوا هدفهم ويتخذوا قدوة حسنة ........

ص.....كلية الحقوق (الفرقة الثالثة )

شباب ماينفعش في أي حاجة ..........

أنصحهم بأن يحاولوا يشقوا طريقهم .......

ز.....طب بيطري (الفرقة الرابعة )

ماينفعوش يكونوا أباء أو أمهات .......

أنصحهم بأن كل واحد يشوف طريقه ويعرف إذا كان ماشي صح أو خطأ ......

دي كانت آرائكم .....علي فكرة الآراء دى مش متفبركة دى آراء حقيقة ....أنا عارفة أن الآراء ممكن تزعلكم لكن دى آرائكم . ..
إذا كنتم عايزين تعرفوا رأيي الخاص انتظروني في أخر جزء من مقالة الشهر دا ......

انا فلت لك وبقولك تانى الموضوع راااااااااااااااااااااااائع
وفعلا كل رائى من الاراء ديه بيعبر عن شريحه معينه من الشباب ....وديه حاجه كويسه لان الموضوع كده كامل متكامل

بس انا عايزه اضيف جرعة تفائل عالموضوع وعايزه اقول:
اننا شباب حلو اوى وبيشتغل كويس ..... بس لو اديتى له الفرصه لكده وانا مجربه بنفسى .
وانا بشتغل لقريق سايف فالجامعه الاسابيع اللى فاتت شفت شباب كتير عنده دماغ حلوه اوى وبجد حسيت بالامل ....حسيت ان البلد ديه فيها شباب رائع وعنده قدرات لا محدوده لكن للاسف مش عارف يوظفها صح ولسه عامل زى عود الزرع الاخضر لسه طرى اى شوية هواه ممكن يضعفه وبيمل بسرعه لكن كوجه عام انا متفائله بينا كشباب
وبكره هيبقى احلى بينا احنا مش بحد تانى وبجد شكرا ليكى يا د.زينب على الموضوع

شكرا علي أرآئكم الرائعة دي وأسفةليكم علي تأخري في ردي.