ممن تخاف ولماذا؟؟؟؟؟

السلام عليكم

اليكم موضوع احسبه هام وهذا الموضوع جال بخاطري كثيرا
وهو هل عندما نخاف ان نفعل شئ ما يكون الدافع خوف من الله ام خوف من الناس والتقاليد
وهل تضع نفسك في محاكمه عندما تخطيء لان الناس حيقولو عليك كذا وكذا ولا لان ربنا شايفك وعالم بيك
ما هي الاسباب التي من اجلها تخشي من الخطا؟؟
هل الذي يحكمك حدود العيب والتقاليد؟؟؟
ام الذي يحكمك شيء فطري بداخلك وشريعه دينك وخوفك من العقاب؟؟؟
عفوا انا لااقصد بحدود العيب ما يشترك بينها وبين الشريعه او بينها وبين المحرمات
هل حاسبت نفسك لماذا تخشي الناس ولا تخشي خالق الناس؟؟؟

اسالكم واسال نفسي وارجوا ان تكون الاجابات صريحه وواضحه
واتمني ان نحاسب انفسنا علي ما بها من اشياء كثيره لا نعلمها الا عندما تصدر

اترك لكم الاجابه علي تلك الاسئله بس ياريت تكون الاجابات غير مزينه

جزاكم الله خير

اكيد خوفنا من ربنا اكبر من اي شئ تاني

وعلى فكرة

بعد خوفنا من ربنا لازم يكون فيه خوف من التقاليد او بمعنى اصح على التقاليد مالم تتعارض مع الدين

لانه العرف شئ لااااااااااااااااااااازم

اما مسألة العيب فأي شئ وقع جوه نفسي وخفت ان حد يعرفه لااازم اخاف منه لانه هو العيب ونفسي هيه اكيد الحكم

((نظر الناس من الشقوق الى داخل بيتي فعيروني
فان لي ان افتح لهم الابواب والنوافذ ليروني
كما انا
لا كما يتخيلوني))

السلام عليكم

اولا مشكور يا دكتور علي المرور

ثانيا حضرتك مفهمتش قصدي كويس انا اقصد ايه اللي بيمنعك من انك تعمل الغلط ياتري لانك عارف ان الناس حتتكلم وتقول ده غلط ويحاسبوك ولا علشان عارف ان ربنا حيحاسبك

ثالثا مفيش ردود كتيره ليه

ياريت كلنا ندخل ونجاوب بصراحه

والله فهمت كلامك وبجد اللي عايز اوصلهولك

اني ربنا قبل كل شئ

ونفسي بعد كده

اما مسألة الناس فده اكيد اخر شئ يهمني طالما مضرتش حد

ده رايئ واكيد كل واحد له رائ وانا معاكي فعلا ان الردود مش كتيرة مع ان السؤال في حد ذاته بيحمل معنى مهم جدااا .

السلم عليكم مشكوره د\امه الله علي الموضوع الرائع ده
وبجد لازم الواحد يسئل نفسه الاسئله ديه
وطبعا لازم بيكون الخوف من ربنا هو الدافع لتجنب الاخطاء لان الناس اساسا مش معاها غير اتلكلام وكل واحد بيحب يفسر علي مزاجه واي حد ممكن اعمل ممكن يعمل الخطا من وراء الناس لاكن الخوف من ربنا هو البيمنعنا

السلام عليكم
شكرا لردودكم my goalوبوسي الشريف
واتمني تشاركوني الراي لاني عاوزه اوضح لكم قصدي من الموضوع لان موضوعي له جوانب كتير وده جانب منه

يعني مثلا البنت ليه بتخاف تمشي مع زميلها في الكليه او ف الشارع "خوف من مين؟؟؟؟"
وكمان ليه بتخاف تغش ف الامتحان "خوف من الفضيحه ولا ؟؟؟؟"
والعادات اللي عارفينهازي مثلا لبس ملابس الحداد لمده تتجاوز المده الشرعيه"ثلاث ايام" هذه المده تمتد الي ما يشاء الفرد وحسب التقليد"يا تري خوف من مين"؟؟؟؟

ياريت تجاوبوني علي الاسئله دي وبكل صراحه ولو حد حيتكلم بدلوماسيه ويهرب من الاجابه يبقي بلاش يتكلم

والاسئله دي مجرد مثال انا عندي كتير

جزاكم الله خير

موضوعك جميل جدا ونفسى ارد بصراحه زى ما اتعودنا
فانا هرد بقى وهرمى تكالى ع الله
انا ردى هيكون مختلف شويه(كالعاده يعنى مفيش جديد انتم متعودين ع كده
المهم انا شايفه اننا اوقات كتير بيكون النابع الخوف من ربنا لكن وخلى بالكم من لكن ديه
ساعات مش بنعمل حاجات كتيره خوفا من الناس مش من رب الناس
وع فكره ساعات كتيره الحاجات ديه مش بيكون فيها حاجه غلط ولا عيب بس بنقول لا طب والناس هتقول ايه؟
وانا صراحه من النوع ده اللى بيخاف شويه من رد فعل الناس
بس اللى بيقلقنى ان احنا من كتر ما بنخاف من رد فعل الناس اخاف الموضوع يقلب بالعكس ويبقى كل همنا اننا نثبت لنفسنا اننا اقوى من الناس فنعمل اللى يغضبها ولو هيغضب ربنا معاهم .......فهمانى
مش عارفه بقى بس انا شايفه اننا بنحاول كتير جدا جدا نرضى الناس طبعا بعد رضا الله سبحانه وتعالى الاول

السلام عليكم

شكرا جدا جدا لردك يا وسام ولشجاعتك انتي فهمتي انا اقصد ايه
وفعلا احنا بنعمل حاجات كتير علشان بس خايفين من ان الناس حتقول كذا وكذا علي الرغم ان الحاجه دي مفيهاش اي حرمه

وطبعا احنا كلنا بنخاف من ربنا وبنعمل الف حساب للمحرمات واللي فهمته وسام هو اللي انا اقصده

ياريت تدخلوا وتشاركونا ف الراي

جزاكم الله خير

السلام عليكم
اولا ميرسي بجد يا دكتوره علي موضوعك ده بجد جمميل
وكمان اشكرك يا وسام علي ردك وشجاعتك دي
وده فعلا مظبوط اوي احنا في حاجات كتير قبل ما نعملها بجد بنبقي خايفين من ربنا وده صح لأن ممكن كمان يكون الحاجه دي لو عملتيها محدش هيعرفها بس برضو مش بتعمليها لأنك خايفه من ربنا مش الناس
وكمان زي ما الدكتوره وسام قالت ان برضو في حاجات بنعملها ونبقي باصين للناس
وانا في رأيي ان قبل ما الواحد يعمل اي حاجه تكون عنده القيود والضوابط دي ويرعي كل حاجه ربنا اولا ثم الناس واللي الواحد اتربي عليه
مشكوور وارجو تقبل مروري

اولا مشكورة علي الموضوع الجميل دا يا دكتورة وبشكر كل ردود الاعضاء الكرام وارائهم

اما عن رايي شخصيا

موضوع الخوف من الله عزوجل او من الناس دا فيه حته نفاق شويه يعني كل الناس قالت لازم نخاف من ربنا الاول
قبل ما نخاف من الناس وانا واثق انه فيه ناس بتعمل حاجات كتير ابتغاء مرضاه الناس او حتي خوفاا منها قبل الخوف من الله والعياذ بالله من ذالك
ولو سالتي اي حد هيقولك لا اان بخاف من ربنا طبعا
لازم كل واحد يفكر وياخد باله هو هيعمل كذا ليه ومش هيعمل كذا ليه
بس اولا يراعي حق الله اولا اي يتقي الله في كل تصرفاته اولا قبل الناس
لانه النفاق دا هو الذنب الخفي
لازم كل واحد يخلي باله منه
مع انه كتييييييييييير من الناس بيوقع فيه
يعني نرضي ربنا اولا
ثم الناس علشان عايشين معاهم وبينهم
ثالثا العادات والتقاليد والمجتمع ودا يعتبر هو الناس

ارجو تقبل مروري

انا عن نفسى مش بيهمنى كلام الناس لانى لو مشيت ورا كلامهم مش هطلع من بيتنا
ومش هعمل حاجه وانا بردوا من النوع اللى بيثور ع العادات والتقاليد الخطا
اما من احيه الناس فكل واحد بيختلف عن الاخر فنوعيه الناس اللى بتحب المظاهر والفخر بتخاف من كلام الناس الاول
وبتفكر فى كلامهم الاول قبل ما تفكر فى ربنا اما النوعيه التانيه اللى هم منهم لربنا ع طول فهم لا يهمهم الناس فى اى شئ
لكن يفكروا فى ربهم فى الاول والاخروهم اللى ضميرهم بيتحكم فيهم ولن يتحكموا هم فى ضميرهم
وفى نوعيه تالته تفكر فى ربنا وفى الناس والعادات والتقاليد ولازم تمشى ورا الععادات حتى ولو تضرنا وغلط ايضا