ههههه... ياعينى على سنتك المطينة

ليه السمك بيخاف من اتصالات؟
علشان أقوى شبكة…..


- طب ليه عملاء موبينيل هيدخلو الجنة؟
علشان هما أحسن ناس……ـ


و ليه القطنه هتدخل معاهم؟
عشان مدام نظيفه قالت القطنه متكدبش….


- طب ليه عملاء فودافون ما بيبردوش؟
علشان فودافون أقوى تغطية……


_ امتى السما يبقى لونها بتنجانى
لما الدنيا تبقى مسقعه…..


ليه القطر مهم
……. عشان تحتيه خطين


ليه سندوتشات الكفته والبطاطس بتجري
…… عشان وجبات سريعه


ليه اليابان معندهاش حنان
…………. عشان ف قاره آسيا

ليه البرازيل معندهمش تين
………… .عشان ف امريكا اللاتينيه


ليه الفيل بينزل البحر بالشورت الاحمر .
………. عشان الشورت الاخضر مش نضيف


ليه الصعيدي بيحط جنبه منبهين
………… . عشان واحد يضرب والتاني يحوش


عكس نجيب محفوظ ؟؟ .
…….. نودي محفوظ


واحد بلدياتنا ماشي تحت الكوبري و رافع ايده ليه ؟
……… عشان الكوبري مسلح


عسكرى زهق من البندقيه عمل ايه
جاب حمصية…..

طماطمية عطست قالت
…. كا كا كاتشبب

واحد بيقول لواحد هى الساعة كام قالو انت فاكرنى جزرة وخد الشاكوش عالعجلة ومشى


حاجه بتجري وعندها راسين و 8 رجول
……. كلبين بيجروا جنب بعض


ليه القرد سريع
……. عشان القرد في عين امه غزال


اول مخلوق ظهر عالارض هو الحمار الوحشي ليه ؟؟
. …….. عشان ابيض واسود


و اخر مخلوق ظهر القنفد ليه ؟؟
عشان لسه بشوكه……


حاجه ليها اربع رجلين وطايره في الهوا.
……. قطه مضروبه بالشلوت


عاوزين نطير كلب نعمل ايه
……….. نضرب في ( 1\كلب )الكلب يطير مع الكلب


ليه النمل مش بترضي تركب الفيل قدامها عالعجله
……… عشان بيلعب في الجرس


فرخه معلقه سلسله فيها صوره بيضه ليه ؟؟
………… صورتها و هي صغيره


فرخه معلقه سلسله وفيها صوره طبق بيض اومليت ليه ؟؟
……….. صوره اخوها الشهيد


ايه الفرق بين عمرو دياب و إليسا ؟؟
إليسا بتعمل شريط كاسيت ….
و عمرو دياب بيعمل شريط كاراجل ….


ليه المنبه بيرن
……. عشان مش معاه رصيد يتصل


ليه القطه بتدخل عن الحلاق_
…… عشان الباب مفتوح


طب ليه الأقرع بيدخل عند الحلاق _
…….. عشان ياخد القطه


ليه الصيدلي بيبني عماره_
……… عشان يسكن الآلم


طب وليه العماره وقعت
………. عشان بنااادول إكسترا )


ليه قبضوا على صاحب شركه جهينه
………. عشان ( زبادو ) متلبس


ليه القطه بتخربش
…………. . عشان نفسها تكسب


ليه الأهرامات تلاته بس
………. عشان الشلن مش هايكفى نحط واحد كمان


ليه السائح بيتصور جنب الاهرامات
………. عشان يطلع في الشلن


ليه الام مدرسه
…….. عشان بتذاكر لولادها


عكس بالونه ايه ؟؟ .
…….. نشفونا


ليه الفيل بيلبش شرابات خضرا
…….. عشان خضرا بتلبس شراباته


عاوزين نحط فيلين في برطمان من غير ما يلمسوا بعض نعمل ايه ؟؟ ……
نحط فيل ما بينهم و نحطهم في البرطمان


ليه عمر دياب و هو بيقول فى اغنيه راجعين مخبطش فى اللى وراه
عشان طلعت زين واقف وراه وبيقولو تعالا تعالا


عاوزين نركب 4 افيال على عجله نعمل ايه ؟؟
……….. نركب فيل و نديله البرطمان يمسكه في ايده


حكموا على صاحب شركه موبينيل احكام كتيره اوووي ليه
…… عشان بيتحاسب بالثانيه


خمسه صعايده قاعدين في اوضه كل يوم يخرج واحد ليه
…… بيلعبوا ستار ميكر


قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟


ايه وجه الشبه بين البطيخ و الشمام
……. الاتنين اجازه الحلاقين


حاجه صغيره و لونها احمر و بتاكل الزلط
………. بنت الحاجه الكبيره اللي لونها احمر و بتاكل الزلط


طب حاجه لونها اسود و بتاكل الزلط.
…….. ظل الحاجه الصغيره اللي لونها احمر وبتاكل الزلط


ليه الفراعنه ريحه بقهم حلوه
………. عشان كان عندهم ابو الهولز


طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟
…….. نجيب الحاجه الحمرا الصغيره اللي بتاكل الزلط و نحطها في الازازه


ليه الفراعنه كانوا عيال
………… عشان كانوا بيرسموا عالحيطه


طب ليه ابو الهول كان وشه اصفر
……… من خوفو


طب اتنين فراعنه قعدوا عالفهوه هايطلبوا ايه ؟؟
…… اتنين اااااامون و حجر رشيد لايت


واحد ماشي في الشارع و لابس كوتشي ابيض ليه ؟؟
……….. عشان ماشي مع الطقم


واحد بلديتنا واقف قدام المرايا و مغمض عنيه ليه ؟؟
………… ……… ….. بيشوف شكله و هو نايم


مهندس كمبيوتر، حلل دمه، طلعت فصيلته
………. HP


لية السمك بيخاف من الجنية….؟!
علشان الجنية فية 100 قرش.
- أقول لك على حاجة تصدمك ……
أوتوبيس


- ما هو الفرق بين الكذب و الكلب؟ …
الكذب مالوش رجلين لكن الكلب ليه


- ما هو وجه الشبه بين الغسالة و التلفزيون؟ … ا
لاثنين بيشتغلوا بأريال


ما هو وجه الشبه بين مترو الأنفاق و عود القصب
الاثنين بيعدوا على المعصرة


- ليه القطن مش هايدخل النار؟
عشان مدام نظيفة قالت القطنة ما بتكدبش


- المصري هو اللي بنى الأهرامات أمال الياباني بنى إيه؟… بناسونيك ها ها هاي

- أقولك على حاجة تجرحك
موس


- وجه الشبه بين فيفي عبده و البيبسى
دي غازية و دي غازية


- ما هو الحيوان الصغير آكل الزلط ؟
هو أخو الحيوان الكبير آكل الزلط


- ما هو الفرق بين الوزة و البطة ؟
الوزة كانت بطة بس الشيطان وزها


- حاجة بتعوم على المية و أولها حرف الخاء تبقى إيه
خشبة


- حاجة بتعوم على المية و أولها حرف الحاء تبقى إيه
حتة خشبة


- حاجة بتعوم على المية و أولها حرف الباء تبقى إيه ؟
برضة حتة خشبة

ايه اكتر حيوان مبيعرفش يستخبى ؟
الثعبان بان بان بان بان بان

=========================================
ايه اكتر حيوان حظه وحش ؟
القطة علشان بتخربش كتير و عمرها ما كسبت

========================================
طيب ايه اكتر حيوان بيسمع اغاني اجنبي ؟
الغراب راب راب راب راب راب

=======================================
طيب ايه اكتر حيوان بيسيح في الحر ؟
تمساح ساح ساح ساح ساح

===========================

ليه مفيش ماتشات بتتلعب يوم الجمعة ؟
علشان الكورة مع دريم

==========================================
ليه مفيش ماتشات بتتلعب يوم السبت ؟
علشان إعادة الكورة مع دريم

==========================================
ليه الصعيدي بيحب يتصور جنب الأهرامات ؟
علشان يطلع في الشلن

=========================================
-سمعت نكتة الأسانسير ؟
- لأ
- يبقى اكيد كنت طالع على السلم

=========================================
إزاي نحط فيل في كباية من غير ما يلمسوا بعض ؟
نحط بينهم فيل تالت .

=========================================
مرة واحد و لم يمر الآخر

=========================================
حاجة سودة و ب 3 رجول و في الصحراء ؟
بيانو

========================================
واحد عنده 100 عيل و عايز يجيب عربيه تقضيهم .. يجيب ايه ؟
ميتسوبيشي طبعا ً … و يدي كل واحد سوبشيايا .. [ميتسوبيشي = 100 سوبيشي ]

========================================
ليه Emniem بيركب الميكروباص ؟؟
علشان مش معاه غير 50 Cent

========================================
ليه البني آدم مش ببذر ؟؟
علشان بصرة

========================================
لو عندك تفاحة حمراء (امريكاني) و تفاحة خضراء (بلدي) و عايزهم يبقوا نفس اللون تعمل ايه ؟
تقشرهم :P

=======================================
ليه السمك بيخاف من فودافون ؟
علشان اكبر شبكة

ليه النمل مش بترضي تركب الفيل قدامها عالعجله
عشان بيلعب في الجرس

لية الصعيدى بيحط خيارة تحت المخدة؟
عشان لو حط طماطماية هتتفعص

حاجتين سود بينهم حاجة بيضة ايه ؟
عثمان احمد عثمان

ههههههههههههه
مشكووور

ميرسى يادكتوره سارة ...

يارب تكون عجبتك بس بقولك ايه معرفتيش النتيجة ظهرت ولا لا ...هو انتى مش فى تالتة بردو ولا ايه

لا والله معرفش وانا فعلا بدور عليها وياريت لما تظهر تعلنوا عنها في المنتدي

اه انا بردو مع انى والله يادوك نفسى يخلوها الترم التانى بالمرة عشان الواحد يتمتع بالاجازه شوية زى بقية الكليات ...اشمعنا احنا يعنى ده احنا مكملناش يومين

بس كلو محصل بعضو مش هتفرق المهم ان شاء الله ربنا يكرمنا وتبقى نتيجة كويسة يارب

نكت جامددددددددددددددددة يادكتور وبعدين اية حكاية النتجة دى انتو هتقلقونا ليةر

والله مش عارف يادكتورة نورهان انا عن نفسى قاعد متوغوش...(قلقان يعنى ) اصلى فى ناس بتقول الاسبوع ده وناس تقول الترم التانى ومحدش عارف والعموم ربنا يستر ...فقلت يعنى خلينا فى النكت بلا النتيجة بلا وجع دماغ

نكت جامدة مووووووووووووووووووووووووووووووووووت
الف شكر يا دوك
انا معاك يا دكتور خليها الترم التاني علشان الواحد يعرف يقضي الاجازة
(وبيني وبينك لو طلعت انا مش هاسأل عليها)

لا بجد فظييييييييييييييعه النكت دي كانت فين من زمان
وبلاش السيره المرعبه دي ولا وليه مش فارقه كل ال يجي خير وراضيه بيه

مانا باقول كده والله يا ابوحميد بلا نتايج بلا بتاع ياراجل خليها الترم التانى احسن عشان الواحد يشم نفسو بقى (والله انا بسال عليها وكل مرة بقول يارب ماتطلع وعل العموم ارجع واقول اضربها طبنجة اللى يحصل يحصل .هاكونا ماتاتا يامعلم )

عمروووووووووووووووووووووووووووووووووووووو حبيبى

هههههههه

كلام فايق ولذيذ

ده اكبر دليل انو الراجل ده في اجازه

متشكر اوى يادكتورة حنان ....على رايك والله خليها عل الله واهو عل راى المثل اجرى يابن ادم جرى الوحوش ياتلحق الميكروباص يا متلحقوش ....وطبعا منورة الموضوع يادوك وميرسى كمان مرة

هههههههههههههه كده كده ياتريليه

هههههههههههههههههه

جامدة وربنا

والله منورييين ياشباب بجد ...وبقولكوا ايه سمعتوا اخر نكتة بيقولك مرة واحدة حامل خلفت خمس تواثم رضعتهم بمشترك هاهااا