للد/محمد صلاح

السلم عليكم ورحمة الله وبركاته
لو سمحت يا د/ محمد انا عاوزة امتحانات اعمال السنة للسنوات السابقة لمادتى الهستولوجى والبيو لانه مش موجودة فى المكتبة ارجوك يا د/ انا عاوزة اعرف الاسئلة المهمة فيهم

وعليكم السلام ورحمة الله وبركاته
اولا انا عاوز اوصلك فى الاول انى الدكتور سيد مقدام معيد فى قسم التغذيه الى هتاخديها فى سنه تالته باذن الله اما معيد الهستولوجى هو الدكتور سيد صديق وهو للاسف مش فى المنتدى.
ثانيا بالنسبه لاعمال السنه بتاعت الهستولوجى لاعمال السنه فهيه بتيجى اكمل واختيارى ومن الصعب انك تلاقى حد يدهوملك لانى الامتحان بيجى فى نفس الورقه والى يفيدك فى الموضوع ده فى الاول وفى الاخر دكاتره الهستولوجى وعلى راسهم الدكتور ياسر.
بالنسبه لامتحان اعمال السنه للبيو فهو بيجى كل سنه مختلف عن السنه الى قبلها وساعات بيجى اختيارى وساعات بيجى اتكلم عن ز بالنسبه لامتحانات الاختيارى فهيه مش معايا بس نصيحتى ليكى انك تذاكرى وتحلى مذكرة الاختيارى الى استلمتيها كويس لانى ممكن يجى منها وعلى الاقل هتفهمى تذاكرى الماده ازاى .
لكن بالنسبه لامتحانات اعمال السنه فهيه برده لاسف مش معايا بس احب اطمنك انى اسئله الامتحانات الى بتيجى فى امتحانات اعمال السنه بتبقى من اسئله الامتحنات بتاعت نص السنه الى معاكى فى مذكرة االامتحانات
وخلى بالك انى كل دكتور بيركز على اسئله معينه فى محاضرته والى فى الغالب بتيجى فى امتحان اعمال السنه او امتحان اخر السنه.
انا سمعت من زملاء ليكى والله اعلم انى الامتحان الدكتوره قالت انه هيجى اختيارى وطبعا انا مش متاكد لانى مكنتش موجود فى اليوم ده وده يخليكى تذاكرى مذكره الاختيارى كويس وخلى بالك المذكره متجاوبه من وره.
ولو دورتى عندك فى قسم الاسئله العلميه هتلاقى زمايلك طلبة سوهاج منزلين امتحان اعمال السنه الى جالهم فى البيو وهوه كان اكتب ما تعرفه عن والى اكيد هيفيدك.
وربنا يكرمك واتمنى اكون فيدتك

علي فكره انا ومحبة الله من بيطري سوهاج يل دكتوره غير الامتحان المنزلىنه تكلم عن امتحنا امتحان تانى كان اختىاري وده كان ىوم الاربعاء الفات وعلى فكره جه من المذكره اللى ادوهلنا في القسم ده اذا كانت نفس المذكره ونفس الدكتره وربنا ان شاء الله يوفقك

السلام عليكم
زى ما قالت حببتى
my goal
انه من المذكرة بالضبط بس يا جماعة لو هم كانوا قيلين انه من المذكرة
فان شاء الله هيكون منها بس طبعا زى ما قال دكتور محمد صلاح
جزاه الله كل خير
انى المهم الى قالوا الدكترة عليه مهم فى المحاضرة
ونصيحة حببتى يمكن احنا ما نفذناها انك تحاولى تذاكرى مذاكرة لاخر السنة مش اعمال السنة بس وربنا يوفقك ويكرمك بما تحبى وترضى

انا متشكرة جدا يا د/محمد بس هل قصد حضرتك انى علشان امتحان العملى في البيو والهستولوجى لابد انى احل كل امتحانات النظرى يعنى ممكن تيجى فى امتحان اعمال السنة

سورى اقصد علشان امتحان اعمال السنة

دكتورة
e&m
لو قصدك انى العملى يجى فى اعمال السنة فهو الهستولوجى اكيد لكن البيو لا والله اعلم وطبعا دكتور محمد حضرته هو الى يقدر يجاوبك انى قلت لك حسب ما اعرف

السلام عليكم ورحمة الله وبركاته
انا هتكلم عن امتحان البيو
العملى مش بيجى فى اعمال السنه لكن انا ااقصد انى لو بصيتى على امتحانات نص السنه هتلاقى كتير منها متكرر وهيه الاسئله دى برده الى بتيجى فى امتحان اعمال السنه لو الامتحان جه على شكل اكتب ما تعرفه عن
لكن لو الامتحان هيجى اختيارى او اكمل فده هتتعاملى معاه كالاتى
اولا تتذاكر الماده وكويس جدا على اساس انك بتذاكرسيها لاخر السنه
ثانيا وقبل الامتحان بيومين تبدأى تذاكريها على هيئه نظام الامتحان سواء اختيراى او اكمل وطبعا مع حل المذكره الى سلموهالكم والى اعتقد انى لو ما جاش منها الامتحان فعلى الاقل هتيجى الاسئله على نفس سياق الاسئله الموجوده

شكرا يا د/محمد وربنا ينورلك طريقك ويساعدك زى ما حضرتك بتساعدنا دايما وانا ان شاء الله حبدا المزاكرة اللى حضرتك قولتلى عليها يوم الاربعاء بعد ما اخلص امتحان الهستولوجى واكيد حضرتك مش حتبخل عليا لو سالت حضرتك عن حاجة مش فاهماها لان حضرتك بتتميز بالعطاء الدائم
بس انا كنت عايزة اسال حضرتك عن معيد هستولوجى مشترك فى المنتدى

لا للاسف مفيش معيد هستولوجى مشترك فى المنتدى بس الدكتور ياسر مشترك بس ليه فتره مش بيخش اما عن اى سؤال فانا على استعداد انى اجاوبه بس انا ممكن اتاخر شويه فى الرد لانى ان شاء الله مسافر بكره القاهره وراجع ان شاء الله يوم الخميس ابلليل فلو اى حد عنده سؤال ممكن يسيبه وانا لو قدرت ادخل من هناك او لما ارجع هرد على كل الاسئله الموجوده وربنا معاكم ان شاء الله