الحلقة السادسة عشر..اخر البنات المحترمات

الحلقه السادسه عشر

منى: الو؟

م* ايه دا الي بتعمليه دا؟ اقفلي بسرعة
ششششششششششش

احمد: الو , منى؟

أ*جووووووون , وجون وجون وجون

منى: ازيك يا احمد؟
م*......................
أ* و مقبولة منك احمد كمان يا ستى

احمد: الحمد لله, على فكرة كنت هكلمك من شوية , ليكي وحشة والله.

القى اليها احمد الكلمة ذائبة وسط الحديث حتى لا تستطيع التعليق عليها وان ارادت.

م* ااااه, وبعدين بقي, متخليك واضح
منى: كل سنة وانت طيب.
احمد: وانتي طيبة يا موني, انا بعتلك اس ام اس النهاردة باين ؟ صح؟
م*انت كمان مش فاكر؟

أ*هههههههههههههههههههه
منى: اه
م* ايوه , اتكلم في الموضوع بقي
أ*خليكي على نار
احمد: انتي عارفة ان دي اول مرة تتصلي بيا من ساعة معرفتك.
منى: يلا اهو عيد بقى , وزكاة العيد, ههههههه.

احمد:...........
منى: انت ساكت ليه؟.
احمد: كنت بسمع ضحكتك.ر

ارتبكت منى وتمنت لو لم تتصل , ولم تدر بم تجبه.
منى: ................
احمد:انا ضايقتك؟

أ*طبعا مش طايجة خلجاتك م الفرحة
منى: لا ابدا عادي.

م* عادي ايه بس انتي كمان

احمد: انتي بقيتي احسن دلوقتى؟؟,اصل اخر مرة كلمتك كان عندك سرس.
منى: منا خفيت , خدت حقنة ياباني.
احمد : طيب الحمد لله, رايحة فين في العيد؟
منى: مش رايحة , كنا هنسافر السنة دي بس بابا مش فاضي, فهنقضيه هنا.
احمد: انا مسافر مع جماعة اصحابي , هنهيص شوية , ماتيجي معانا.
منى: اه حاضر , هلبس هدومي ونازله اهه.

احمد: طيب انا مستنيكي تحت البيت, اوعى تتأخري.
منى: مسافة الاسانسير.

م* المكالمة قلبت استظراف ليه؟ , انت مبتتكلمش عن الرسالة ليه؟
أ* طبعا هتموتي وتسألي عن الرسالة ,بس بعينك

احمد: ههههههههههههههه, والله انا اتبسطت اوي انك كلمتيني.

م*طب ما تتكش اوي على كلمتيني
أ*لما نشوف هتعمليها تاني ولا ايه؟
منى: دا اقل حاجة ممكن اعملها لعامة الشعب.
احمد: لا انا بتكلم بجد, وكل سنة وانتي طيبة , بجد.

منى: بجد بجد يعني, طيب انا مش طيبة.
احمد: لا انا عارف انك طيبة.

أ*طيبة وعبيطة كمان
احمد: طيب يا ستي ربنا يديكي على قد نيتك , بس ابقي كرريها .
منى: اه , ان شاء الله.

م*في المشمش
احمد : ماشي يا موني , عايزة حاجة؟
م*ياما نفسي تبطل موني دي, هو انا بقولك ايمو؟
منى: لا ,شكرا, مع السلامة.
احمد: باي باي.
*******************
أ* قشطة كده اوي ياواد يايمو خليك تقلان وهي الي هتعمل كل حاجة , من النهاردة انت حتبطل تشتغل , وتسكت خالص, سيب المواضيع تمشي براحتها
بس مش حرام؟ دي البنت لذيذة والله , وانا فعلا اتبسطت لما كلمتني
لا مش حرام , ولما هي عجباك عايز تفضل معجب بيها من بعيد لبعيد, لا, لو هى زي ما بتقول صحيح, هتسيبها لغيرك يعمل بيها ايه, سبتها برضه وخليها تحبك
عندك حق , انا البنت دي بجد داخلة دماغى وربنا يسترالمرة دي
المهم دلوقتى, ركز انت على خطتك وسيبك بقي, تحبها متحبهاش دي حاجة تانية , بعد ما تكون خلصت تسبيت
منا خلصت التسبيت من زمان , هى دلوقتى يا اما هتحبني , يا اما هتحبني احبك وانت مصمم
*******************
م* وايه يعني لما تحسي انك متعلقة بيه مالك مكبرة الموضوع اوي كده ؟, هو انتي اول ولا اخر واحدة
انا مش مكبرة حاجة, الموضوع كبير لوحده , يعني ايه اتعلق بيه , انا مش قده
ومش قده ليه ان شاء الله , صغيرة؟؟, منتى عدى عليكي ناس برضو و حاولو يكلموكي , اشمعنى دا الي وقفتى قدامه وتنحتى
ماهو عشان كده انا خايفه , انا خايفة لا احبه
طب ماتحبيه , هو عيب ولا حرام , مادام مش هتعملى حاجة غلط
هى المشكلة دلوقتى في غلط ولا صح؟, المشكلة اني متعلقة بيه, وهو مش واضح , دا واحد مرة يقولي كلمة حلوة وعشرة لأ
وهو انتي مدياه فرصة , دانتي بتردي عليه بالقطارة
لااااا , الموضوع دا ميتسكتش عليه, انا محتاجة حد يفكر معايا, انا مش قادر اكتم اكتر من كده
لا لا لا , اوعى , داري على شمعتك تقيد وبعدين انا بفكر معاكي
لا , انا هكلم سارة , انا محتاجة حد ينصحنى

للناس الجديدة باقى الحلقات موجودة فى قسم الروايات والقصص

ودى قصة على شكل حلقات ....بس ايه جامدة اوى والله وهتعجبكم بجد

مستنى اشوف ردوكم وكمان نتفاعل معاها

مش هتقدروا تستنوا للنهاية....واتحداكم

من طرف **Dr/Hanan** الجمعة 18 ديسمبر 2009, 2:29 pm

والله بجد تحففففففففففففه وانا كنت شغاله اقرى في الاديم ال فاتني
بجد استممممممممممممممممممممر

من طرف البرنسيسة الأحد 20 ديسمبر 2009, 6:52 pm

جميلة بس ما فيش حد بيقول راية فيها لية ولا فى حد بيتوقع اية اللى هيحصل

من طرف loaystyleman الخميس 07 يناير 2010, 3:22 am

استمر على طوووووووووووووووووووووووووووول

الحلقة السادسة عشر..اخر البنات المحترمات

الحلقة السادسة عشر..اخر البنات المحترمات

رد: الحلقة السادسة عشر..اخر البنات المحترمات

رد: الحلقة السادسة عشر..اخر البنات المحترمات

رد: الحلقة السادسة عشر..اخر البنات المحترمات

رد: الحلقة السادسة عشر..اخر البنات المحترمات