ياترى تختار تكون ايه؟؟؟؟؟؟؟؟

كلنا مدركين لادوارنا الاجتماعيه..وعارفين وضعنا ومسؤليتنا.....

وكتير مننا مش عاجبه دوره ونفسه في دور اكبر...ولما يوصل يحب الاكبر لغايه لما يوصل لدور يخليه نفسه ينزل ويرجع لدوره الاول.....

وده كله له اسباب كتير واهمها هو حب السلطه والتحكم ويمكن الطمع......الرغبه في الشهره وتخليد الاسم .....الرغبه في رؤيه نظرات الخوف او حتي الاحترام من الاخرين ...الرغبه في كل شئ.....

وللاسف كل واحد بيشوف بس سلبيات دوره الاجتماعي وايجابيات الادوار التانيه.....وده حالنا في كل شئ في الحياه....محدش بيشوف غير بعنيه هو.....

وزي ما الحاكم له مميزاته والمحكوم له عيوبه ......برده الحاكم له عيوبه والمحكوم له مميزاته.....


ودلوقتي بوجهلكم السؤال..........(وهنتكلم بس من ناحيه الحاكم او المسئول الشريف المخلص والمحكوم او المسؤل عنه المخلص)........

تختار تحب تكون محكوم او خاضع لرعايه غيرك...سواء كان رئيس في العمل او اخ اكبر او عم او شيخ او اي مسئول ...وتكون دايما حاسس بالراحه لانك عندك سند ....ولانك دايما في حد بيسال عليك ويرعاك .....وفي اعز الازمات هتلجاله وسواء كانت المحنه اللي بتواجهها اكيد هترمي عليه الاسباب .....وانه ملزم بيك..وليك عنده حقوق وواجبات .....وانك حر طليق ..ومش شايل هم لشئ....وطبعا في حدود مكانتك ودورك.

بس دايما حاسس انك معندكش شخصيه قويه زيه.....وحاسس بالنقص....وانك مفيش عندك قيمه او وضع واحترام زيه....وانك ممكن تكون اخر واحد ياخد رايه ده لو اخده......وانك مش دايما حر نفسك وانك عاوز تعمل حاجه بايدك ويكون ليك كيان وناس تخاف منك وتقدرك.....وانك فاهم ايه اللي بيجرا حوليك وليه بيجرا.



ولا تختار تحب تكون حاكم او مسئول.....وانك صاحب سلطه وكلمه ......تامر وتنهي.....الكل بياخد برايك ويقدرك ويحترمك...في ايديك كل شئ ليك ولغيرك......دايما الكل بيشكرك ويقدرك علي مجهودك ويخاف منك ....عندك كل شئ السلطه والمال والناس والعقل والحكمه....حياتك منظمه ومعروفه ومدروسه.....الكل بيحاول يحميك .....ويديك......وطبعا في حدود مكانتك ودورك,.


بس دايما حاسس بالسجن حتي جوه نفسك وافكارك......مفروض عليك انك تفكر وتلاقي حل لكل شئ باسرع وقت.....دورك واولوياتك اهم حتي من حياتك ورغباتك....مسئول منك حياه مستقبل واحلام ناس....دايما ضميرك شغال علشان ماتظلمش غيرك.....وسواء قرارك كان صح او غلط في الحالتين انت المسئول...لو كان صح وحصل منه مكسب المفروض دايما تحاول تكبره وتحافظ عليه.....ولو كان خساره يبقي كل الاسباب هتبقي عليك وانت المفروض منك تصلحه.......وتواجهه الناس وزمها ......او حتي احترامها وخوفها وانت متاكد انه بس مظهر علشانك لكن من وراك بيكروهوك ويسبوك ومستنين اليوم اللي تقع فيه علشان يسنوا السكينه ......ومنين ماتروح بيكون ليك عدو..وعمرك ماهتعرف تمشي حر طليق ...لانك هتبقي دايما خايف..


ياتري تختار تكون ايه؟؟؟؟؟؟؟؟؟؟؟؟؟؟؟؟(منقوووووووووووووووووووووول)

اولا السؤال من الاول شكله صعب جداااااااااااا
وبعد الشرح السؤال بقى اصعب بكتير بس مش عارفه صراحه الاجابه ؟؟؟؟؟؟؟؟؟؟؟
طيب ممكن نكون من الناس اللى بتساعد الناس وفنفس الوقت منكونش محبين للسلطه والشهره
انا عارفه ان الشهره لازم تكون مقرونه بالمسؤليه
وفنفس الوقت نعيش احرار منطلقين من غير قيود
ولا هيبقى زى جمله بتقول اللى بيطلب كل حاجه بيخسر كل حاجه؟؟؟؟؟؟؟؟؟؟؟؟

انا اللى بسال وانت بتردى بسؤال برده انا عارف ان السؤال صعب لكن لاوم منه لاجابه هابسطه اكتر هل انت شايف فى نفسك الفدره على لعب دور القائد بما تحمله الكلمه من معانى وبما تصفه الحروف من صفات؟؟؟؟؟ ام انك تفضل ان تكون ممن ينفذون الاوامر مثل الجنود وفى كلتا الحالتين فان لك دور هام لكن المهم ان تعرف اين دورك وتلعبه باحتراف؟؟؟؟؟؟؟

والله انا رديت ع السؤال وقلت انى معرفش الاجابه
لان الموضوع ده مواقف
فى مكان ينفع نكون القائد فيه ووقتها هنتقبل هذا الدور بكل احترام وهننفذ مهامه بكل معنى الكلمه
لكن فى وقت لازم نتنحى جانبا لاننا مينفعش نكون قائد فالجزئيه ديه
معرفش بقى هو ده اللى انا حاسه بيه
وشكرا ع مووضوع حضرتك