واخيرا وصلت سايف جامعتنا

طول عمرك نفسك فطريقه تخدم بيها بلدك

نفسك تكون فرد فعال فمجتمعك

نفسك تخدم ناسك واهلك وبلدك لكن مش لاقى طريقه دلوقتى مع سايف هتلاقى طريقه تعمل فيها ده كله وانسى كلمة نفسى وفكر فكلمة هنفذ سوا

واخيرا يعد طول تعب وجهد وعناء وصلنا سايف لجامعتنا لكن خلونى اعرفكم عن سايف الاول

سايف:نشاط طلابى غير ربحى(يعنى مفيهاش فاوس متفقين)

هدفها:هو تنمية المجتمع عن طريق مشاريع بينفذها طلبة الجامعه (اللى هما حنا)

سايف فى مصر:سايف شغاله فجامعات مصر من زمان ولحد دلوقتى شغاله ف 26 جامعه مصريه حكوميه وخاصه كمان

خطة العمل:بنفذ مشاريع فخدمة المجتمع وفى اخر السنه كل الجامعات المشتركه بتنافس ع المركز الاول اللى بيمثل مصر فمسابقه ع مستوى العالم

عفكره السنه اللى فاتت الجامعه الفرنسيه اللى اخدت المركز الاول وجامعة اسيوط اخدت المركز التانى

ومصر اخدت كاس العالم كاحسن مشاريع ع مستوى العالم

المطلوب: اذا كان نفسك تخدم مجتمعك اهلك بلدك ناسك نفسك تكون عضو ايجابى فالمجتمع احنا هنيجى لحد عندك

ايوه لحد عندك فريق سايف هيلف كل جامعه فجنوب الوادى فرع قنا وهنعرفكم بينا وهنبقى يوم كامل فجامعتك

لو عايز تعرف اكتر ادخل [ندعوك للتسجيل في المنتدى أو التعريف بنفسك لمعاينة هذا الرابط]

احنا عندنا الامكانيات عندنا المعلومات عندنا كل التصاريح كل اللى اننا محتاجينه مشاركتك معانا افكارك تطلعاتك

احلامك لبلدك عشان ننفذها سوا just imagine what we can do together

Waiting for all ur questions and suggestion

SIFE team

بجد الموضوع ده اولمرة اقراه الناهرده لو سمحتي يا د\وسام حاولي تشوفيه وتبلغينا ول مشترك مننستفيد ونفيد ازاي وانا اول مشترك معاكووكمان بالمناسنبة دي اللي عايز يدخل مكتب شباب المستقبل ياريت يقولي وانا هقله يشترك ازاي

ميرسي يا دكتورة وسام
انا سمعت عن سايف دي وعرفت عنها كلام كتير وبصراحة اللي هاتعمله جميل قويييي
بس متهيألي مكانش لها تنفيذ في اترم الاول
وهل هاتتنفذ في الترم التاني؟؟؟؟؟

لو سمحتى يا د/وسام انا اول مرة اسمع كلمة سايف دي و انا فهمت معناه
بس كان ليا استفسار :هى سنة اولى ممكن تشارك فى السايف ولا ده للاكبر منينا
لان احنا خبرتنا قليلة ببيطرى بالتاكيد
لو سنة اولى ممكن تشترك فانا اول مشتركة معاكى
لانى بجد نفسى اخدم وطنى
شكرا ليكى يا د/وسام

اولا انا مبسوطه جدا انكم تحمستو للموضوع وشكرا ليك د.كافو لانك نشطت الموضوع دلوقتى لاننا فعلا يا جماعه بنجهز لحمله كبيره هننزل بيها الجامعه مع بداية الترم التانى وناويين ان شاء الله نعدى ع جامعه جامعه نشرح لها مين احنا وهنشتغل ازاى وحاجات تانيه كتير وناويين كمان نعمل يوم مخصص نشرح فيه سايف بتوسع كبير وعنوزع عليكم applications عشان الانضمام معانا وبعدها هنحدد يوم للانترفيو لاننا فعلا ناس بتشتغل بجد ويهمنا الشخص الجاد اللى عنده استعداد يشتغل بجد واللى عنده اسئله اقولو عليها وانا ان شاء الله هرد عليه
واستنونوا فكليتنا وباقى الكليات وان شاء الله نقدر نعمل مع بعض شغل نفخر بيه
just imagine what we can do together !

[ندعوك للتسجيل في المنتدى أو التعريف بنفسك لمعاينة هذا الرابط]
بصى مادام انت طالبه جامعيه خلاص اخنا محتاجينك وحتاجين افكاركم ومشاريعكم محتاجين ناس بتعرف تفكر وعندها جديه وابداع لكن السن مش ضرورى واحنا محتاجين سنه اولى جدا لانهم حاجه كده لسه ع ميه بيضه زى ما بيقولو ولسه متعقدوش من الواقع
وان شاء الله نشوفكم مع بداية اعلانااتنا

السلام عليكم

انا اول مره اسمع عن الموضوع ده بس شكله كده حلو وعجبني يا وسام

ياللا بقي اول مشتركه من سنه تالته
بس لو سمحتي يا وسام عاوزين معلومات اكتر شويه عن الموضوع ده وايه هي المتطلبات اللي عاوزينها
يعني ازاي نشترك وازاي نقدر نعمل حاجه فعليه
ونقدر نفعل الموضوع ده "يعني الشغل اللي بجد"

حمييييييييييييييييييييييييييييييل اوي والله
شكرا ليكي يا وسام

ان شاء الله يا امة الله نستفيد بيكى
بس فعلا يا جماعه زى ماشرحت فالردود قبل كده احنا شغلنا الفعلى هيبتدى ان شاء الله مع بداية الترم التانى
بس كل اللى انا عيزاه من اللى حابب الفكره وعايز يكون معانا انه يجهز فدماغه افكار لمشاريع
تربح الناس احنا مش مؤسسه خيريه احنا عايزين نعلم الناس اذا تكسب رزقها نعلمهم يصطادو السمك مش نديهم سمكه انهارده ولو احنا مشينا يموتو من الجوع فبجد فكرو فافكار وتابعو امكانية تنفيذها عشان اول ما ننزل وبدا نشتغل نكون جاهزيين
حتى احنا كفريق سايف بنعمل كده وبنجهز فمشاريعنا من دلوقتى
احلامنا كبيره وانا متأكده انها هتكبر اكتر معاكم

انا نفسى اعمل حاجه كده من زمان جدا وياريت تقولولى اول ما الشغل يبدأ وهتلاقونى ان شاء الله اول واحده معاكم

انا حبيت ابلغكم زى ما وعدتكم
بكره ان شاء الله هنكون عندنا فالكليه
هنتكلم شويه عن سايف
وان شاء الله فيه يوم مخصوص هنتكلم فيه عن سايف هيحضره طلبه من الجامعه كلها ودكاتره كمان
وان شاء الله اليوم ده هيكون يوم االاربع وهبلغكم بالمكان
وكمان من بكره هيكون كشك سايف اللى جنب كلية علوم مفتوح عشان سحب استمارة التقديم معانا فالفريق
وهنحاول نريحكم ونجيب معانا الاستمارات ديه بكره
وان شاء الله معاد interview اللى هنقابلكم فيها هيكون يوم السبت الجاى الموافق 6.3.2010
فمركز مبارك للاشتشارات والتدريب الدور التانى)مبنى حرس الجامعه)
مستنينكم معانا