اقتراحاتك يا دكتور

كلنا فى كليه طب بيطرى وكلنا ان شاء الله هنتخرج من الكليه وكلنا برضو من دلوقتى بنفكر هنعمل اه بعد الكليه
نشتغل فى الفيلد لا لا نشتغل فى شركه ادويه لا لا نشتغل فى وحده بيطريه لا لا نشتغل فى مزرعه كله بيفكر انه يبقى طبيب بيطرى معروف ويعمل لنفسه مكانه بين الناس
..................................................................
يلا كلنا مع بعض نفكر ونقترح هنعمل اه بعد ما نتخرج بحيث نبين لكل الناس من هو الطبيب البيطرى


اقتراحاتكم يا دكاتره المستقبل

انا عن نفسي مقرر بشكل نهائي اني اشتغل في شركة ادوية
مع احتمال اني اشارمك في مزرعة ارنب وسمان

يعنى انت يا دكتور على امنيتك غير حلمك
وحضرتك لما مش بتحب الطب دخلته ليه والانسان اللى مش بيحب شئ مش هينجز فيه

ربنا يوفقك يادكتور على وتحقق اللى بتتمناه
وحضرتك طالما مش بتحب الطب والتشخيص كنت حولت لاى كليه تانيه
بس على فكره ساعتها احنا اللى هنزعل لان هنفقد مشرف ممتاز زى حضرتك
وربنا معاك ان شاء الله

السلام عليكم
الهدف الاول من كلية الطب البيطري هو اخراج طبيب بيطري ينفع المجتمع حوله ويحافظ ع الثروة الحيوانية ف منطقته والا ليه دخلت الكلية اساسا... لكن يا اخوانا مش كلنا متاح العمل لينا ف الفيلد فيه ناس ف مدن او ف قري بس الثروة الحيوانية ضئيلة ولا تسمح بالعمل ..لذا يضطر البعض للكسب السريع عن طريق شركات الادوية اللي بيحصل فيها بلاوي من اهانة وضياع لكرامة الكثير من الاطباء البيطريين والصيادلة "وده ع فكرة ع لسانهم" علي يد الاطباء وكان اللي قدامه مش دكتور زيه
كمان الشركات لو مش حققت التارجت بتاعك باي اسلوب هتتفصل" سواء اسلوب كويس او غير كويس" المهم تبيع العدد المطلوب منك والسلام ازاي ؟؟؟ اتصرف
كمان لغوا دبلوم التحاليل اللي كان بيجري عليها معظم خريجي بيطري يقولك اهو هاسيب مجال بيطري واريح نفسي
طيب نعمل ايه؟؟؟؟؟
المفروض نحاول نتصرف تشوف بلد قريب يكون فيه الثروة الحيوانية كويسة وتحاول تثبت وجودك او تفتح صيدلية بيطرية ممكن تشارك علي مزرعة صغيرة المهم تستغل ما درسته ف الكلية وبجد يا اخوانا الزملا اللي شغالين ف الفيلد والثروة الحيوانية كتيرة ف بلادهم بياكلوا الشهد بس المهم الاخلاص ف العمل
وانت تسعي وتسيب موضوع الرزق علي الله بس المهم السعي والاخذ بالاسباب

بسراحه دكتور محمد مسبش حاجه تتقال
جاب المفيد كله

انا بشكرك يا دكتور محمد
وعايزه اقولك انه بالنسبه للبنات صعب نشتغل فى الفيلد وكمان مش عاوزين نتبهدل فى شركات الادويه وكنا معتمدين على دبلومه التحاليل طيب دلوقتى احنا نعمل اه ومينفعش بعد التعب ده كله نظل فى البيت

السلام عليكم و رحمة الله

أحيكم على هذا الموضوع الهام جدا

أولا أنا أويد كلام الدكتور محمد

ثانيا بالنسبة لمحمد علي أقول له لماذا لا تكل دراستك في احدى الكليات الأدبية بعد انتهاء الكلية بإذن الله فكثير من الأعلامين عملوا مثل ما تقول تخرجوا من كليات لا تشبع رغبتهم في الأدب أو الأعلام و غيره ثم أكملوا دراستهم في كليات أخرى المهم هو أنت تحدد ميولك نحو اى مجال و ربنا يوفقك

ثالثا بالنسبة للبنات فرأيي أن البنت هى زهرة عائلتها فلا يمكن أن تتبهدل في شركات الأدوية أو غيرها بدعوى الوظيفة و السلام لكن أحبذ أن تعمل في مراكز البحوث البيطرية و التى يمكنها ايضا أن تكمل دراستها في المجال الذى تفضله

و شكرا لكم

اشكرك يا دكتور حازم على مرورك
وربنا يوفق الجميع

السلام عليكم
انا ملاحظ اصرار البنات علي العمل
بس ممكن اسأل سؤال تجاوبه البنت بينها وبين نفسها وبصراحة
هي عاوزة تشتغل ليه؟؟؟؟

لان لو كل الرجاله تقدر قيمه زوجاتهم ويعاملوهم بما قال الاسلام ساعتها هيشعروا بالامان معاهم

ومش هيفكروا يشتغلوا وهتفكر ان تكون كل حياتها لزجها وان تسعده
وهو بايده يقدر ميدهاش فرصه ان تشتغل بانه يملى حياتها بالسعاده
لكن فى زمننا هذا مفيش وحده معطيه الامان لاى راجل مهما كان لذلك مش عايزه تكون معتمده على اى راجل عايزه تكون مستقبلها

السلام عليكم
انا اولا برحب بنفسي وسطيكو يا جماعة
ثانيا سلام خالص لاخي و صديقي العزيز د/ محمد عبد الهادي
انا ايمن شوقي الاسناوي يا محمد
ثالثا انا شايف ان كل اللي دخلوا الطبي البيطري دخلو بدون رغبتهم وانا اولهم
وهو دة اللي خللي الواحد مش عارف هيعمل اية بعد ما يتخرج
بس المفروض الواحد يتعامل مع الواقع اللي هو فية
ويكيف امورة علي كدة
انا عن نفسي بشتغل في شركة ادوية
صحصح انا مبحبش الشغلانة دي والبيطري اشرف منها مليون مرة بس ما باليد حيلة
وان شاء اللة قريب حفتح صيدلية بيطرية

المهم الواحد يركز علي حاجة تفيدة في المستقبل
اما حاية شغل البنات انا شايف ان البنت افضل لها متشتغلش في الفيلد ولا في الدعاية
لان بناتنا مش وش بهدله
الافضل تعمل في شيء ااديمي يحفظ لها انوثتها
وانا شايف ان الشيء الوحيد اللي يحفظ انوثة البنت ورامتها هو بيتها فقط فقط فقط
والسلام ختام يا امة الاسلام

السلام عليكم
اهلا ايمن حبيبي بيك مرة تانية ف كليتك اللي دخلتها بدون رغبتك بس انت دلوقت رجعتلها وللمنتدي برغبتك
ومبروك مقدما ع الصيدلية البيطري وبخصوص رايك يا امة الاسلام مين يفهم وعجبي!!بس خلاص
المهم تشاركنا برأيك وخبرتك وان شاء الله نستفيد منك

شرفت المنتدى د/ايمن

اكيد كتير مش بيدخل بيطرى برغبته....بس نرضى بالقضاء وحكم ربنا...وهو ده مستقبلنا...الا اذا قدرت تغير وتحقق اللى انت عايزه واللى بتحلم بيه

اكيد المراة لبيتها اكثر حفظا وصونا وعفافا لها

بس انا بتكلم عن الواقع الحالى ....عشان كده بقول انتقلنا من مرحلة عمل المراة...لمرحلة هتشتغل ايه...لمرحلة اللى ينفع ومش ينفع...ويعالم فى ايه تانى

بس اكيد اسلامنا مش منع عمل المراة ...بس اكيد حفظا ليها ولكينونتها

وبعدين حرية بئا اللى تحب تشتغل او تقعد فى البيت(رغم ان ده بئا صعب جدا)