كل سنه وانت طيب يادكتور محمد

يا جماعه كلنا لازم نقول كل سنه وانت طيب للدكتور محمد صلاح بمناسبة عيد ميلاده 5\11
كل سنه وانت طيب يادكتور وان شاء الله السنه دى تبقى احلى من للى فاتت وتقدر تحقق فيها اللى مقدرتش تحققه السنه اللى فاتت
happy birth day

كل سنه وحضرتك طيب يا دكتور ورغم ان حضرتك طلعت برج العقرب وانا بقلق من بتوع برج العقرب
ويارب السنه ديه تكون سنة خير عليك

كل سنة وانتم طيبين
كل سنه وانتى طيبه يا مروه وكل سنه وانت طيب يا على وهبقى اسمى ابنى على يا سيدى ولا تزعل وكل سنه وانتى طيبه يا وسام وايه بس مدى القلق من برج العقرب ؟على فكره على حد علمى فان برج العقرب بينقسم لقسمين اول واخر برج العقرب ؟ ويا ترى انتى بتقلقى من اى جزء منه ؟

لا والله بجد العقرب لذيذ جدااااااااااا يا دكتور ومن احب الابراج لقلبى وعيوبه مميزات لباقى الناس حتى 
احسن ناس يا دكتور 
بس الميزان بئا 

كلامك صح على فكره فى موضوع لسعتهم بالقبر بس اذا اذا لسعوا اصلا يعنى ودى حقيقه انهم مش بيتعصبوا خالص خالص وبيستحملوا اكتر من اى برج تانى لكن عن درجه معينه يبقلب الترابيزه واللحظه دى قلما انها بتيجى على فكره بس الخوف لو جت اللحظه دى بس بصى بقى على مميزاته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

على ما عتقد ان اهم مميزات برج العقرب انه متعاون ده كفايه دكتور محمد بساعدنا فى شرح الbio جهز نفسك بقى يا دكتور يوم السبت هتشرح 6 صفحات فى الدهون نظرى وابقى ادعى للدكتوره نجوى وانت بتصلى

هههههههههههههههههه ان شاء الله يا مروه واتمنى بس تكونوا على الاقل متابعين وعارفين انتوا وصلتوا لحد فين فى اللبيد والبروتين

لا يا دكتور كده انا ازعل يعنى هنبقى مش فاهمين ومش عارفين وصلنا لحد فين طبعا عارفين وباركلنا لغت 3 صفحات طبعا مكنتش حاسه انها مفوته حاجات فى النص وهى بتقرى(لا افضل استخدام كلمة تشرح) بس تجرات وقلتلها حضرتك مفوته 3 صفحات قالتلى ملغيين ارتاحى بقه وركزى
ده باختصار النصف ساعه اللى اخدناهم ايه رايك كانك كنت حاضر واكتر

جبت المفيد يا على ههههههههههههههههههههههههههههههه وكان المفروض على كده يسموه برج على بس ده الى هيكون على اول ناصية الشارع واحجز مقدما

لما الميزان برج العظماء امال القوس ده برج ايه
نبيع لب احنا يعنى ولا ايه
ولا نقف بعربية تين عند برج على اللى على اول الناصيه ودكتور محمد يبقى ينفعنى اهو عارف المطرح

اوك بس ابقى حضريلى كده 2 كيلو على زوقك وكمان 2 كيلو بلح علشان الطاقه

اوك يا على يعنى الاسم هيبقى على محمد صلاح اوك كويس
بالنسبه للشقه بقى عاوزها بحريه وقبليه وبلكونه بتبص على النيل على طول والتانيه على الجامعه على طول وياريت تكون من سبع اوض وانت طالع وطبعا ريسبشن وامريكان كتشن وباقى اللوازم والتشطيبات واهو مش هتقل عليك اكتر من كده

كل سنه وحضرتك بالف صحه وخير وربنا يعينك ان شاء الله يا دكتور
اما موضوع الابراج ده موضوع خرافي غير معترف به"لانه حرام يا جماعه"
الشخص باخلاقه ومكانته العلميه مش باسم ومواصفات برجه
واعتقد الشخص اللي احنا بنهنيه اكبر من مجرد وصف في الابراج

وربنا يكرمكم

شكرا جدا يا على بسراحه 90 فى المائه من الكلام فيا واللهى بس قصة محاور لبق دى مش عارفه ساعات وساعات احيان كتير مبقدرش اقنع الشخص اللى قدامى بافكارى بس على العموم ربنا يفتحها علينا فى امتحان الشفوى واهم ميزه وانا عن نفسى بحمد ربنا عليها التفاؤل وده ناتج ان ثقتى فى ربنا كبيره اوى ولو حطنى فى موقف مش حلو بحس انه بيختبرنى ودايما واثقه ان ان شاء الله بكره احسن بكتييير


شكلك مصر يا دكتور محمد على البلح هجيبو ان شاء الله

بصى يا امه الله فعلا موضوع الابراج ده حرام وانا معاكى وفى الاول وفى الاخر الشخص هوه الى بيصنع نفسه بس انا عاوز اقول حاجه والله اعلم موضوع الابراج حرام ده يقصد بيها حظك اليوم يعنى انت النهارده حظك كذا وكذا وكذا وده اسمه تنجيم وده حرام طبعا ميه فى الميه اما موضوع الابراج وصفاتهم فانا اعتقد ومش متاكد انى هيه عباره عن دراسات اتعملت على عدد كبير من الناس وشافوا وحصروا صفاتهم وعلى اساس كده حللوا الشخصيات وبيقولا انى ليه علاقه بعلم الفلك لكن برضه لازم نقول فى الاول وفى الاخر الانسان هوه الى بيصنع نفسه بنفسه وياريت ما يؤمنش بصفات برجه وخلينا نعمل العكس ونصلح من عيوبنا احسن
ومشكوووووووووووووور على زوقك يا امه الله