اليكم فكره حتعجبكم باذن الله

السلام عليكم
اخوني واخواتي الاعزاء جميع الاعضاء والمشرفين واعضاء هيئه التدريس
اليكم فكره خطرت ببالي ويااااااارب تتنفذ بمساعدتكم وهي
اننا في الكليه مجرد متلقين للمعلومه وكتبه لها ونفتقد الجانب العملي للمواد رغم ان كليتنا عمليه من الدرجه الاولي ولذلك فكرت في شيء وهو ليه متكونش في ماده تسمي ماده"البحث والتدريب"في كل سنه بدايه من تالته حتي التخرج وفي هذه الماده يقوم الطلبه بالاستعانه بالمعيدين اللي بيشتغلوا عملي "الماجستير"
وهذا في كل الاقسام بدايه من مواد اولي حتي مواد خامسه وكل معيد او مدرس مساعد يكون تحت اشرافه عدد من الطلبه لا يتجاوز العشره
ويشغلهم معاه ويعرفهم الوضع لمادته "في الحياه العمليه بره"
وهكذا يتم تبادل الطلبه بين كافه المعيدين في كافه الاقسام لمده 3سنين
وبذلك يكون الطالب او الخريج علي درايه بسوق العمل سواء في الفيلد او البحث العلمي او اي الاعمال الاخري التي تتعلق بالطبيب البيطري

ياريت اعرف راي حضراتكم عن الموضوع ده
وانا كتبته لاني لقيت قصور في فهمنا للمواد دون الاحتكاك بالعمل الخارجي
وكمان في حاجه كويسه ان الكليه بقيت تقسم سنه خامسه ورابعه قوافل للاحتكاك بالواقع

وياريت رجاء مني للساده اعضاء هيئه التدريس ان يوصلو هذه الفكره للسيد عميد الكليه وجزاكم الله خير اجمعين

السلام عليكم
اختي الفاضلة رايك جميل وفكرتك حلوة بس تطبق ف مواد الكلينك او المستشفي
في الجامعات بره ومن فترة قريبة طبق في اسيوط ان الطالب بياخد روند في كل قسم من اقسام الكلينك ف المستشفي زي نظام بشري لمدة شهرين ف كل قسم وبدون حضوره للنظام ده ملوش شهادة تخرج كده الطالب يحتك فعلا بالعمل والشغلي العملي ف بلاد بره طلاب سنة رابعة وخامسة بياخدوا مناوبات ف مستشفي الكلية وعليها درجات اما هنا يوجد قصور رهيب بنحاول نعوضه بالقوافل
اما بخصوص البحث العلمي والماجستيرات والدكتوراه... طالب الدراسات العليا بيكون مخلص لمواد الكلية كلها بعدها بيدرس مواد وكورسات في مادة معينة بتوسع كبير تفتح مداركه اكتر عن بحثه العلمي كدراسات متقدمة ثم يبدأ ف بحثه الخاص بالرسالة وده بيكون ف نقطة صغيرة جدا من التخصص بتاعه وده هيكون صعب اني افهمه للطالب لانه هيكون صعب وتقيل جدا ع مستوي فهمه

امة الله موضوعك حلو
وهو مطبق يس بطريقه مختلفه شويه زى التدريب الصيفى فالوحدات فاجازة 3و4
اما موضوع المعيدين
فيا بنتى زى ما انتى شايفه فالكليه دول مش بيبقو فاضيين لنفسهم تفتكرى هيفضولنا ؟؟؟؟؟؟؟؟؟؟؟
وفعلا زى ما د.محمد ما قال المواد اللى بيشتغلو عليها بتكون بتوسع جامد جدا يعنى ممكن يشتغلو سنه كامله فجمله انتى اهدتيها ويمكن محدش ركز عليها
لكن فكرة القوافل ديه رائعه جدااااااااااااااااااااااا
ويارب تستمر رغم انها فيها اخطاء كتير بس هيا مفيده جدا فشغل الفبلد بره

السلام عليكم
متشكره لرد د/محمد ووسام
بس انا كنت عاوزه ان احنا الطلبه نبقي اكثر فاعليه واكثر خبره علشان نقدر نعرف اللي بندرسه ده ونطبقه
وكمان الماده اللي بتكلم عليها دي"البحث والتدريب"حتكون في اطار معرفه الطالب ويكون اخدها قبل كده بس هو حيعرف الشغل العملي بتاعها مش اكتر
وانا مقدره ان المعيدين مش فاضيين بس الطلبه لما تعرف هما بيشتغلو ازاي حيستفيدو وكمان حيقدرو تعبهم
واكيد المعيدين مش حيبخلو بحاجه عن الطالب

وعاوزه اعرف اراء كل الاعضاء ومنتظره المشاركه

هو الموضوع حلو جدا بس لو انتى مهتمه بالبحث ممكن تخدى الماده ودورى فيها على النت مع نفسك وتقرى الل قتيه واللى مش فهماه ممكن تسالى المعيدين يعنى تتوسعى فى الماه بس فى نفس الوقت متكونيش حاسه انك مجبره ده راى ويارب يعجبك

انا شايفه انهافكره كويسه جدا وفيه حاجه شبهها فاسيوط فكذا كليه
يعني دكتور بيبقي مسئول عن كام طالب فحاجات كتير م بس
الجانب العلمي انا نفسي او حتي كل معيد يتبناله كام طالب عاوزين يتعلموا بجد
ويبقي اجره وثوابه عل الله

افكارك حلوة ونيرة بس احسن متقوليهاش لحد لحسن يعملوا سنه امتياز هههههههههههههههه وانتوا مش ناقصين

انا معاكى يا ايمى احنا محتاجيين حد يتبنانا فعلا واهم حاجة القوافل تزيد عددها و بجد المعيدين بيساعدونا على قد ما يقدروا يعنى لو حد محتاج انه يتوسع فى معلومة ممكن الدكتور يساعدوا فيها لكن فكرة انى كل معيد يعمل بحث علمى مع مجموعة من الطلبة ده لايرادى هيكون تركيزه فى تخصصه هوا وكده انتى مش هتطلعى بالنتيجة الصح لانى الطلبة الجامعين مهمتم انهم ياخدوا عناوين من كل المواضيع وبعدها يتخصص فى الحاجة اللى تنسبواومنها يتوسع فى نقطة منها

فكره جميله يا امه الله بس بدل ده كله يهتموا اكتر بالتدريب الصيفي لأنه فعلا بقي شيء روتيني وكمان في القوافل ياريت يعملوها لكل الدفعات واتمني النجاح للجميع

السلام عليكم
انا شايف راي الاخوة والاخوات
موضوع المعيدين بصراحة ربنا يكون في عونهم احنا بنشتغل بفكرة التجربة والمحاولات منها الصح ومنها الغلط لغاية ما نوصل لطريقة مناسبة لاننا بنبحث في موضوع جديد خالص لو فرضت علي الطلبة هيعملوا زي موضوع الابحاث اللي بتتطلب منكم هيفبركوها او يخلوا اي حد يعملها لهم علشان يخلصوا منها
اللي عاوز يجمع معلومة يعمل زي المعيدين بندور بنفسنا مش بنستني حد يتبننانا انت تدور علي المعلومة ولو فيه مشكلة اسأل عليها احنا تحت امركم لو نعرفها لو مش نعرفها ندور عليها معاكم ونحاول نفيدكم
كفاية بس نستفيد كويس من التدريب الصيفي مش نروح نمضي اخر الشهر وخلاص او نشوف لنا واسطة يخلينا مش نحضر
كمان القوافل استغلوها كويس هتستفيدوا منها اكيد

السلام عليكم
بخصوص اللي قاله العضو
[ندعوك للتسجيل في المنتدى أو التعريف بنفسك لمعاينة هذا الرابط]
ان الموضوع ده موجود ف اسيوط ما اظنش ان ده موجود في اي كلية او جامعة لان ظروف البحث العلمي واحدة علي الجميع واحنا شغل الماجستير كله كان ف اسيوط وكنا بنشوف بيعملوا ايه هناك
لكن موضوع ان دكتور يشرف علي مجموعة من الطلبة ده موضوع تاني عاوزين يطبقوه اسمه مرشد طلابي تبع نظام الجودة والساعات المعتمدة وكده
كل طالب ليه مواد معينة بيدرسها غير زميله وليه ساعات معينة طبعا مش النظام اللي مطبق حاليا بيحتاج مرشدطلابي

البحث العلمي دي مشكلة كبيرة في مصر لأننا بجد مفتقدين لعمليات الدعم الصريح للبحث العلميوبعدين انا مش فاهم احنا ليه منحاولش كمجموعات من الطلبة نعمل زي ما عملت دفعه قبل كده كانو يتعلموا جراحه صح بمجرد انهم سمعوا ان الدكتور مسك موجود في قنا اجروا اتوبيس وراحوا وراه المشلكة اننا عايزن اللي يحركنا مش نتحرك من نفسنا ربنا بيقول اسعى يا عبيد اعينك يعني من جد وجدوالاهم من كده الانترنت مفتوح على اخره اللي عايز يدور هيدور لنفسه مش لغيرة ده رايي وبالنسبة لموضوع التدريب الصيفي لو بجد نفسك تكون دكتور بيطري روح الوحدة وهتلاقي اللي يساعدك غصب عنه لأن انتا لو بلغت انكط معاك كرنية وهما مش عايزين يساعدوك هيتحول للتحقيق والموضوع ده حصل معايا شخصيا والدكتور اتحول للتحقيق لأني كنت رايح مع زمايلي من بيطري كفر الشيخ نتدرب في الوحده والدكتور مرضيش رحنا بلغنا في الادارة والله اتحول للتحقيق وماضاع حق من ورائه مطالب

I support this idea, and I suggest about 10 students tomke like weekly or monthly seminar about sujjested topic with each group
Dr. Yasser

لسلام عليكم ورحمه الله
اخيرا لقيت حد وكمان من اعضاء هيئه التدريس تعجبه الفكره وكمان نفسي تتنفذ زي ما حضرتك قلت يا دكتور وانا اول طالبه مشاركه باذن الله

وجزاكم الله خير

كل عام وانتم بخير

السلام عليكم و رحمة الله

لو سمحتي لي يا أمة الله أن أحور فكرتك و هو أن يتم عمل بحث للتخرج على غرار مشروع التخرج كما في كليات الهندسة و علوم لأن أضافة مادة عاوزة موافقة لجنة القطاع و هي لفة طويلة.
هذا المشروع يكون سنوي لكن لا يضاف الى المجموع لأن هذا يتطلب موافقة اللجنة ايضا.

و هي فكرة جديرة و محترمة