??????ياترى لو ده فى مصر يبقا ايه الوضع???????

السلام عليكم
ما شاء الله ولا حول ولا قوه الا بالله
ربنا يكرمك يا دكتور ويقويك
الموضوع جميل والله
الحجاب الحاجب من كل المعاصي اصبح مجرد زينه وشيء مهمش في بلدنا الا من رحم ربي
لو الحاجات دي ف مصر الوضع اكيد حيكون غير كده"للاسوا طبعا"
ولكن هذا لا يمنع ان مننا الملتزمات وربنا يجعلني منهم
فالحجاب عزه وكرامه وشرف لا يدركه سوي العقلاء

السلام عليكم
شئ جميل انه يطبق الدين وتعاليمه مفيش شك
كل اللي صاب بلادنا نتيجة البعد عن الدين والقيم
ياريت نعمل زيهم
بس ارجع وافوق من الحلم ده واقولك لو ده حصل يبقي انت اكيد مش في مصر او هتبقي ارهابي خطير لازم يتحط ف الاوضة الضلمة ويحطوا معاك شوية فئران يونسوك

شكرا جدا يا جماعه على ردودكم

وانا بجد بتمنى زيكو او كمان يمكن اكتر منكو ان ده يطبق في مصر

ده هيحمينا كشباب قبلهم كبنات

حتى لو طبق الحال برضو مش هيتعدل لانى هيا دى مصر

السلام عليكم
ليه النظرة المتشائمة دي مالها مصر
مصر ليها حضارة عظيمة لكن اللي بيحصل ده بسبب مخالفاتنا احنا
لو التزمنا بالدين والاخلاق كل حاجة هتكون تمام

طيب ما احنا بنتكلم في كده انو يكون الاصلاح مننا فينا

احسن ما يكون بالاجبار

بس احنا لا شايفين كده ولا كده

انامعاك شويه وشويه تانيه لا
معاك في انو ناس محتاجه كده وانتو شايفين انو البنات في مصر محتاجه كده
بس الكويس كويسه في نفسها والوحشه وحشه لنفسها
وبعدين احنا في بلد ديموقراطي
يعني كل واحده على راحتها
وبعدين الغلط ده كله سايبينه وجايين تتكلمو على البنت ولبسها

ميرسي لميس على ردك وكمان على فتحك لموضوع اخر انا معاكي فيه كرأي

وشكرا كمان مره

موضوع راااااااااااااااائع يا دكتور كالعادة..........وطبعا انا مفيش حاجة اكتبها اكتر من اللى اتقالت

وميرسي جدا جدا خالص على مرورك العطر

ويكفيني مرور جميل ورد اجمل