نظره حزن تنتهي بنظره تفائل ..

من طرف **H I M A LOVERS** الأربعاء 04 نوفمبر 2009, 11:08 am

و بمشي كتير
يرافقني
ف مشيي الطير
يغنليي
بصوت مكتوم
ينوح اللحن من قلبه
ويجري الدمع فوق خده
ويبكي بكاه على حالي
بكى الملكوم
وفين نفسي؟؟
تسيبني وحيد ف وسط الحزن متألم
عنيا السوده مش شايفه
غير الاحزان بتتكلم
وبتنادي
ندا المهموم
وصبر ايام بينساني
يعاتب قلبي من قلبه
بصوت مكتوم
وفين املي يخلصني
ينادي بقوة من قبره
"غراب الهم يامعشش على سطحي
وسامم بالصراخ جرحي
ياقايد فكري من نارك
ف عز النوم
ياصوت مبحوح
يا نازف دم متجلط ف وسط جروح
سكون الليل بيسمعني
بيملى م البكا بحره
ويشهد إني بدعليك
تموت مدبوح "
يارب كريم
نسيت انك بحالي عليم
نسيت عفوك
و شوق وصلك
نسيت إن الهموم
نقطه
ف بحر غيوم
ونور حبك
يداوبها
ويجرفها
بعييييييييد وتروح
نسيت إن التراب الاسود
بيتشقق
بتخرج من تجاعيده
زهور بيضا وعطر يفوح
معايا رفيق يغنيلي
يرفرف فوق سما نيلي
يفكرني
بإن الحزن نار قايده
يطفيها
كلام ربي
ودعوة صدق من والدي
وبسمة طفل يضحكلي
وصدر كبير
يخليني
اوارب باب لكل صديق
وانده له
انا بيت الصحاب/ واسع
وزرع الحب فيه يافع
وباب ليكم
على ارض الرضا دايما
بكون مفتوح

نظره حزن تنتهي بنظره تفائل .. Himaaa

لم اكن موجودا في حرب 6 اكتوبر ولكن ساكون موجودا في حرب الوحوش 14 نوفمبر (مصر والجزائر)