الدوره البيطريه

السلام عليكم ورحمه الله وبركاته
مش هاطول عليكم لكن انا عاوزكم من دلوقتى تستعدو للدوره البطريه السنه دى عاوزين شغل من نار لان ان شاء الله عاوزين مراكز فيها والاستعداد هايكون عن طريق الاسر مثلا يعنى نشوف مين الكويس فى كل مجال ونشجعه ونخليه يهتم اكتر علشان يجيب لينا مركز
اما من الناحيه العلميه فاطلبو اى حاجه مننا واحنا مستعديين نعملهالكم ونساعدكم فيها على قد ما نقدر بس مش عاوز يحصل زى السنه اللى فاتت والناس تيجى قبل الدوره باسبوع وتطلب الحاجه لان ده هايكون صعب اوك
سلام

وعليكم السلام ورحمه الله وبركاته
انا اول مره اسمع عن الدوره دي وياريت اشترك فيها بس بعد اذن حضرتك عاوزه اعرف معلومات اكتر عنها وكمان ياريت حضرتك تنشر الموضوع ف الكليه اكتر
والواضح ان حضرتك نشيط جدا جدا وياريت حضرتك تقولنا ازاي نوفق بين سنه تالته وبين الانشطه التانيه او بمعني اصح ازاي نذاكر كل ماده علي حدي
وشكرا

السلام عليكم
الدوره البيطريه عباره عن تجمع لطلاب من كليات الطب البيطرى على مستوى الجمهوريه وبتتعمل كل سنه فى مكان شكل واعتقد انها السنه دى هاتكون فى اسيوط على حسب علمى وهى دايما بتكون فى الترم الثانى
ويتم التنافس فيها فى مختلف المجالات الرياضيه والفنيه والعلميه والثقافيه وكل كليه بيكون عندها فريق مختص بكل مجال  وللعلم اكتر فى ناس شاركت من سنه تالته السنه الللى فاتت واعتقد انهم عندهم كلام ممكن يقيدوكم ؟وان شاء الله هاجبلكم كل المعلومات اللى انتم عاوزينها
شكرا على الرد

السلام عليكم
والله كتر الف خيرك يا دكتور فكرتنا بيها هيا السنه اللى فاتت يا جماعه كانت من يوم 7 الى يوم 12 مارس وصراحه كانت ايام حلوه وكانت فى الاسماعيليه بس انا فاكره ان كليتنا كانت عايزه تخدها السنه ديه بناء ع كلام د اشرف ود احمد ابراهيم السنه اللى فاتت لكن ان شاء الله كله هيبان كمان شهر ع الاقل وممكن نعرف اكتر من استاذ جمال فى رعاية الشباب
اما بقى بخصوص الانشطه فهيا بيبقى فيها كل الانشطه ثقافيه زى دورى المعلومات والشعر والقصه القصيره
والانشطه الرياضيه زى كرة القدم والسله والشطرنج
وانشطه فنيه زى العزف والغنا
وانشطه علميه زى عمل سيديهات علميه ونماذج توضيحيه
بس للاسف يا جماعه اغلبية الناس اللى بتدخل مش بتبقى متوقعه حدة المنافسه بجد الشغل هناك من الجامعات التانيه بيبقى نار وانا شفت بنفسى السنه اللى فاتت وكفايه اللى حصل فالقاعه العلمبه انا شفت presentatin لناس عملاها متصدقش انهم طلبه وكمان كانو سنه تانيه
فبجد اللى عايز يروح السنه ديه يحاول يشتغل بجد وياريت نعرف من قبلها مين الفريق اللى هيروح عشان يتجمع مع بعضه ويتفق هيعمل ايه مش نروح نفكر هناك
ويارب يوفقكم جميعا سلام

السلام عليكم يا على
انا ما قصدتش ان احنا نعملك لكم الشغل لان ده مش  هايحصل حتى لو ده كان طلبكم لكن الشغل اللى انتم شفتوه من الطلاب السنه اللى فاتت من مختلف الجامعات كان مش بمفردهم كا بالتعاون مع المعيدين لكن لو تقدرو تطلعو شغل لوحدكم يا ريت بس ورونا الهمه

السلام عليكم
على يا دكتور سيد مش قاصده انه حد من حضارتكم يعمله لنا بس هوكان قصده ان ده حصل فعلا فى الدوره اللى فاتت كان فى واحد اسمه اسلام كان عامل presentatoin تحفه جدا عن الاسماك لكن بعد كده اتضح لنا أنه من بيطرى البستان تبع اسكندريه وهناك بياخدو الاسماك فى سنه تانيه ترم تانى واحنا كنا لسه مبداناش الترم التانى
وكمان الدكتور اللى عمله الشغل كان من المحكمين واقنعهم بيه يعنى من الاخر كانت كووووووووووووووووووسه
بس انا مش قصدى احبطكم
تفاؤلو بالخير تجدوه