دكتور ليدو ( د/وليد) عضو جديد

اتمنى ان تقبلونى اخ جديد معكم فى منتدى كليتى العزيزه .

دكتور /وليد السيد حسن

سوهاج

خريج قنا 2008

اتمنى استفيد وافيد باذن الله فى المنتدى الرائع دا بيكم وبانجازاتكم .

شكرا
د/وليد

treka كتب:ياااااااااهلا بيك ياااادوك منورنااااا وربناااا


ومدااااااام م سوهااااج اكيييييييد احلى واجدع ناااااااااس


يااارب نستفيد م حضرتك كده وتنبسط معاناااا

ياااترى حضرتك شغال اى نااااااو؟؟

اهلا بيك دكتور تريكا . والف شكر يا باشا على الترحيب الجامد دا وسوهاج هى اللى تنور بيكم والله .

انا شغال فى الاتى /
1- اداره ساقلته البيطريه وقريبا ان شاء الله اتنقل الوحده بتاعتى .( شغل حكومه)
2- فاتح عياده بيطريه وفيها جميع انواع الادويه البيطريه (شغل خاص)
3- شغال فيلد فى حوالى اربع قرى فى محافظه سوهاج (شغل خاص)
4- عندى مشروع ارانب خاص بيا (شغل خاص )
5- بتاجر فى العجول والابقار والجاموس كواسطه (بمعنى الفلاح بيطلب منى حيوانات ذات صفات معينه وانا بجبهاله من تجار وباخد اجرى على اساس انى انا اللى بختار العجول والابقار والجاموس دى وممكن كمان اتبعها مع صاحبها طبيا . (شغل خاص)

وربنا يوفقكم فى الدراسه وتطلعوا تشتغلوا برا شغل خاص ومش عيب تبتدى من الصفر . انا اول ما ابتديت استلفت فلوس فتح العياده والحمد لله ردتهم من زمان ودلوقتى ربنا بيرزقنى برزقى بدون سلف ولا غيره .
شكرا
د/وليد

د/على نور كتب:

آخيرا د وليد نورتنا
زى ما نورتنا فى الكليه بالمحاضره الرائعه
د وليد يا جماعه هو اللى ادى محاضره مزاره الدواجن من يوميين فى الكليه
منورنا تانى د وليد والله
واحب اشكرك على المحاضره واحب اقولك انى ان شاء الله قررت اعمل مزرعه ارانب
وان شاء الله هبقى احتاج مساعدتك فى بدايه المشروع ان شاء الله

الكليه منوره بناسها يا دكتور على .
وقنا دى انا قضيت فيها احسن خمس سنين فى حياتى وباذن الله اقدر اساعد الطلبه الخريجين جديد علشان ما يقلقوش من جو الشغل برا .

وان شاء لله هدعم الموقع كل فتره بموضوع كدا مهم علشان انت عارف ان معظم شغلى على موقع مصر فيت لانه بيشمل مصر كلها لكن موقع قنا ليه حق عليا برده .

انا هدخل اكتب اول موضوع ليا دلوقتى واهم موضوع يهم الطلبه المشارفين على التخرج .

شكرا
د/وليد