عزيزى الزائر عند قيامك بعمليه التسجيل
يستوجب عليك تنشيط حسابك من خلال رساله
تصل إليك على بريدك الالكترونى حتى يكتمل التسجيل

مع تحيات إداره المنتدى
د/على نور


حوار صريح جدا جدا

استعرض الموضوع السابق استعرض الموضوع التالي اذهب الى الأسفل

نقاش حوار صريح جدا جدا

مُساهمة من طرف صفا في الخميس 18 نوفمبر 2010, 12:56 pm

4غفقغثقغف
كل سنة وانتو طيبين وعيد سعيد
وبعد ما اكلتوا اللحمة عايزاكو كده تمخمخوا معايا
وتقولولي رايكم في موضوع الشرح في الباطنة وايه مميزاته وعيوبه وكل واحد استفاد ايه؟؟؟
ورايكوا في المجموعات اللي شرحت بموضوعية ومن غير اي تعصب شخصي
وده طبعا للكل مش للجنة التحكيم بس.......
avatar
صفا
عضو مميز
عضو مميز

عدد المساهمات : 190
تاريخ التسجيل : 21/08/2010
العمر : 27

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف د/على نور في الخميس 18 نوفمبر 2010, 1:53 pm

وانت طيبه يا دكتوره

بصراحه ده حوار فاشل
حوار اننا نشرح المنهج ده ممكن يكون فى وقت تانى مش فى وقت المحاضره
و ميغنيش عن شرح الدكتور
لان مهما كان ده طالب اللى بيشرح
يعنى زيك زيه بس الفرق انه حفظ الجزء اللى عليه

والدليل على كده انك لو جيت سألت طالب ضمن مجموعه وطلع شرح جزء ورحت سألته
فى جزء مش شرحه مش هيعرف يجاوب مع انه فى نفس الجروب
ههههههههههههههههههههههههههههه


احنا عايزين اللى يشرح يكون فاهم مش حافظ



اما بقى لمميزاته

بيخليك جرىء وتتعلم التحاور
بس من رآيى انك تتعلم ده فى ورشه عمل أو دوره من دورات تنميه بشريه
افضل بكتيير

اما بقى لعيوبه

اولا :: الناس اللى بتذاكر( انا مش منهم والله وانتم عارفيين ده كويس ) مش عارفه تذاكر ايه ومنيين؟؟؟؟

ثانيا بقى فيه استعناد من اللى بيشرح للى يبيستعمو ليه وبيحاول انه يعمل ايه حاجه بحيث يحرحهم
لدرجه انه فى ناس ناويه تشرح بس علشان ترد الاهانه
هههههههههههههههه
دى بقت معركه يا معلم


بالنسبه للمجموعات
المجموعه الاولى كانت كويسه
لكن الباقى مش حلو لكن ممكن نطلع منهم اتنين كويسيين


وحابب اقول حاجه اخيرا

المفروض نطالب بمرتب ثمن الشرح اللى بنتعب فيه
هههههههههههههههههههههههههههههه




avatar
د/على نور
المـديـر العـــام
المـديـر العـــام

عدد المساهمات : 791
تاريخ التسجيل : 04/03/2009
العمر : 26
الموقع : فى بيتنا

http://baitaryqena.yoo7.com

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف treka في الخميس 18 نوفمبر 2010, 4:06 pm

والله انتى يادوك فتحتى حوار مهم اوووى
انا عكسك ياعلى خااالص ع ف
انا طبعا اول واحد شرح ف الدفعه و ح ل اليوم بتاعنا كان حلو اووووى والدوك نور انبسط مووووت م الشغل ال عملناه
والجروب الاول كنا كلنا وربنا جامدين حته انا لاحظت ده ف عيون الناس انا وبشرح حسيت ان ف قبول وان ح ل ماشى كويس ف شرح

اما بالنسبه لفكره ........والله العظيم هو ده التعليم الصح و مفترض ان ك مواد ديا تبقا كده
ده حته انا كنت بكلم م دوك ف ان كل طالب ق مايخلص درسته يكونله مشروع زى هندسه كده بس مشروعنا احنا يختلف
بانك تمسك مرض معين ف الفيلد وتناقشه م كل الجوانب كانك بتحضر ماجستير


المفيد بقا ف موضوع وفكره ديا انك بتدور بنفسك ع موضوعات وبتلف وتشوف ك الجوانب وتجمع م هنا وم هنا وتلمهم وتظبطهم وبعد كده بقا بتقراهم عشان تحضرهم انك تشرحهم للناس وعشان انت هتشرح للناس وخايف ان اى حد يسالك فانت بتغطى ك جوانب الموضوع وبتفصصه صح وبكده انت ذاكرت جزء م المنهج وعرفت الجديد ف الموضوع بدل الكتب بقا وحاجات ومعلومات من ايام الجاهليه ...مفترض الكتاب الجامعى يتفير ك سنه لان العلم ك ثانيه ف جديد


بجد انا مبسوط م الفكره ديا اوووى ونفسى ان ك المواد تبقا زى كده عشان اعرف ادور
انا لحد ناو وربنا ماذاكرت حاجه ف المنهج ومش فاكر اى حاجه الا جزء ال general systemic states
الجزء ال حضرته
وبعدين انت ياعلوه بقول ان لو حد سالك ف الجزء اللى ع مش هتفتكر حاجه
والله بالعكس دنا الدوك ف سكشن المعديه سالت سوال ع fever وكان هو دون الجزء ال انا شرحته
و ح ل انا عرفت اديها الاجابه الصح م انها سالت بعدها ب 3 اسابيع بس انا لسه فاكر عشان فاهم الجزء ال شرحته

فبجد انا شايف ان هو ده مفترض انه يكون التعليم الصح بدل ان دوك يدخل يرمى كلام واحنا نعبى ف كشاكيل وبس
و غ كده الواحد لازم يبقا جرئ مش يخاف م حاجه ويشرح عادى ده انت ادام صحابك عادى يعنى



وثاااااااااااانكس اوووى ليكى يادوك انك فكرتى ف انك تناقشى موضوع دوت
avatar
treka
مشرف الحوار العام

عدد المساهمات : 1481
تاريخ التسجيل : 13/06/2009
العمر : 27

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف ж СнэскМдтэ ж في الخميس 18 نوفمبر 2010, 4:12 pm

ههههههههههههههههههههههههههه
واضح طبعا ان المدير ويكااااااااا بتاعنا خلص كل الكلام
وانا معاه ف كل حاجه قالها
لكن بجد والله ف ناااااس كتير ابدعت ف الموضوع ده
وفعليا فعليا يعنى الناس دى بسم الله ماشاء الله عليها فاهمه كل حاجه
ونااااااااس تانيه كانت مش بطاله يعنى
بس المهم ان ف ناس عرفت تفيدنى اكتر من اى حد تانى
يعنى باختصار شديد انا بأحبز الموضوع ده
avatar
ж СнэскМдтэ ж
مشرف قسم الترفيهى

عدد المساهمات : 3568
تاريخ التسجيل : 30/04/2009
العمر : 26
الموقع : الشارع اللى وراك

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف ghllab في السبت 20 نوفمبر 2010, 10:45 pm

السلام عليكم ورحمة الله وبركاته
اولا شكرا لصاحب الموضوع الجميل دا اللي فعلا يستحق النقاش
انا متفق تماما مع علي وبالذات في سنة رابعة وخامسة
ياجماعة الشرح مش بس معلومة بيقولها الدكتور وتتعبي في كشاكيل زي ما بيقول الزميل ----- لا ---- الشرح هو ان اللي بيشرح ينقل لك خبرته ----- العنصر البشري في الوسط الجامعي بيتكون من الطالب المعيد المدرس المساعد المدرس الاستاذ المساعد الاستاذ--- كل واحد محتاج لخبرة اللي اكبر منه- وبما ان الطالب اصغر واحد فلا يصلح ان يشرح لانه معندهوش خبرة
ياجماعة انت المفروض تتعلم واقع العمل بره مش كلام الكتاب بس يعني تعرف الناس اللي حتشتغل معاهم بيتعاملوا ازاي بيتكلموا ازاي --- الحالة بتيجي ازاي وبتتعامل معاها ازاي متي تتدخل ومتي ترفض الحالة الخ--- يعني في حجات كتير لازم تتعلمها غير الكلام والحفظ وهي دي الخبرة --- وكل ما كان اللي بيدرسلك عنده القدرة في ان يعيشك وكأنك في حقل العمل كل ما كان ناجح
اما بقي انك تبقي جريئ يا سيدي انا مش حشغلك مذيع في التليفزيون انا عايزك تعالج صح وياريت لو ما تتكلمش ولا كلمة
في قسم الطب الشرعي والسموم باسيوط بيعملوا الحكاية دي لكن بطريقة مختلفة - يعني المحاضرات والمنهج بيتشرح عاي للطلبة من الاساتذة ومحددين وقت لتدريب الطلاب علي العرض - كل مجموعة هي تختار موضوع يكون ليه علاقة بالمادة وتعمل عليه عرض بوربوينت --- بس طبعا بعيد تماما عن المنهج
اخر كلمة : لو كنت انت عن طريق القراءة فقط حتتعلم يبقي اقعد في البيت واقرا وابقي اشتغل

سلام عليكم

ghllab
عضو هيئه التدريس
عضو  هيئه التدريس

عدد المساهمات : 15
تاريخ التسجيل : 07/07/2009
العمر : 33

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف محبة الله في الأحد 21 نوفمبر 2010, 7:29 pm

فعلا كلام حضارتكم يا دكتور جزاكم الله خيرا
هو احسن ما يبقى خالص فى وقت المحاضرة يعنى حتى لو فاكرة حلوة
ما تبقى فى وقت المحاضرة على الاقل
وتقريبا مش شرط كل شخص هيكون عارف يشرح كويس والى هيتعك الطلبة التانين
فحرام ويمكن الطالب غصب عنه دى قدراته بس ما عرف يوصل المعلومة
هى فكرة ممكن صح كويسة بس غير المحاضرة وغير الى هيتشرح لى
وده تقريبا لكن انا على اد خبرتى وطبعا اقل من حضارتكم كلكم بس مجرد راى
وفقنا الله جميعا الى حبه ورضاه
avatar
محبة الله
عضو فضى
عضو فضى

عدد المساهمات : 2104
تاريخ التسجيل : 11/11/2009
العمر : 24

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف treka في الأحد 21 نوفمبر 2010, 7:50 pm

شكرا اوووووى يادوك احمد ع اشتراكك معانا
و ا ش ا ربنا يوفقك ونسمع عن حضرتك خير قريب

بس يادوكتور حضرتك هو اكيد مش ف غنى عن الدكتور بس برضه مش معنى كده يخلينا اننا مجرد نقعد نستمع للشرح حته لو كان الدوك ممتاز وشرحه كفايا بدون اننا ندور بنفسنا ع الموضوع دوت واننا نحاول نشوف الجديد ف وبعد ما نكون داتا عن الموضوع دوت الدوك يبقاله مثلا نص المحاضره يناقش ال احنا اتكلمنا ف ويعرضلنا وجهه نظره عن الموضوع لان طبعا لا غنى عن خبره الدوك وشرحه
واكيييد يادكتور حضرتك عارف ان ف الجامعات بره وبعض الجامعات هنا الدوك بيدخل يدى بس الهدلاينز ومعلومات بسيطه بس ع الموضوع والباقى ده يخليهم انهم يدوروا بنفسهم

وحضرتك طبعا عارف طبع اغلب الطلبه ا كويس انهم مش بنذاكر الا اما يكون ف امتحان ويذاكروا المهم بس اخر السنه حته لو الدوك بيشرح المحاضره كلها بس حضرتك عارف ان طبعنا الكسل دايما
فعشان كده انك تحضر الموضوع بنفسك وتدور ده هيفيدك كتييير وبكده عرفت تذاكر بطريقه غير مباشره
وزى ماقلت حضرتك ان ده مش يغنى ع دور الدوك انه يدينا وجهه نظره لانها هى اكييد ف الافاده
avatar
treka
مشرف الحوار العام

عدد المساهمات : 1481
تاريخ التسجيل : 13/06/2009
العمر : 27

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف ghllab في الأحد 21 نوفمبر 2010, 8:07 pm

سلام عليكم
مين اللي قالك ان بره بيسيبك تخبط مع نفسك دا بالعكس بره في خطوات محددة للشغل ما تقدرش تحيد عنها
ثم ان انت ممكن تكون فرحان علشان جمعتلك كلمتين عن مرض مانتاش عارف ايه المهم او اللي مش مهم فيهم في حجات اصلا في الشغل مش بتتكتب في كتب
يعني انت مثلا بعد ما تتخرج حتلاقي نفسك في تاني سنة من الشغل احسن من اول سنة وفي تالت سنة احسن من تاني سنة وهكذا لان بتقابلك مشاكل في الشغل وبتتعلم منها
تقدر تقولي لو كان كل المنهج اتساب ليك بتاع الباطنة هل حتقدر تجمعه في 3 شهور (الترم) ولو الفكرة دي اتعممت بق علي ال 6 مواد حتقدر تجمعهم؟ يا ريت تكون صادق مع نفسك
يا سيدي خد اساسيات الموضوع من اللي بيشرحلك وبعدين معاك الاجازة الكبيرة اقعد واتوسع في كل كلمة قالهالك الدكتور بس ساعتها حتكون بتجمع علي اساس مش تايه
اما انك بقي تكسل وما تذاكرش ف دي حاجة ترجعلك وكل انسان بصير علي نفسه
اوعي تفتكر ان بهاجمك بالعكس انا بفهمك علشان مصلحتك لان اللي انت بتنادي بيه لو اتعمم علي كل المواد الطالب اللي حيتضر والدكتور حيرتاح
سلام عليكم

ghllab
عضو هيئه التدريس
عضو  هيئه التدريس

عدد المساهمات : 15
تاريخ التسجيل : 07/07/2009
العمر : 33

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف treka في الأحد 21 نوفمبر 2010, 8:24 pm

شكرا بجد يادوك لنصيحتك
وزى ماقولت حضرتك ان خبره الدكتور ال هيدهالك ف محاضره هتفيدك كتييير وانا متفق مع حضرتك اوووى ف نقطه ديا
وشكرا مره تانيه يادوك ع اهتمامك واحنا برضه زى اخواتك
avatar
treka
مشرف الحوار العام

عدد المساهمات : 1481
تاريخ التسجيل : 13/06/2009
العمر : 27

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف mido_mido في الإثنين 22 نوفمبر 2010, 4:23 pm

اولا : كل سنه وحاضراتكم طيبين
واسمحيلى يا دكتوره ان اشكر اولا الدكتور احمد على اهتمامه بنا ورده وكلامه الجميل رغم انشغاله واقوله
ربنا يوفقك يادكتور وتحقق كل احلامك وتكون واجهه مشرفه لنا فى الخارج كما كنت فى الداخل وكل سنه وحضرتك طيب والسنه القادمه تكون استاذ دكتور ان شاء الله

ثانيا : شكرااااا يادكتوره على طرح هذا الموضوع المهم والحمد لله ان فى ناس فى الدفعه زى حضرتك بتخاف على مصلحة الاخرين وليس مصلحتها الشخصيه فقط كنااااااس اخرى وان فى ناس بتتكلم وبتخافش

انا من وجهة نظرى انى اتفق مع كلا من د/ احمد وعلىومصطفى
فعلا صحيح هذا حمل على الطلبه وعبء عليهم للمجتهد قبل( الكسلان) كما يقول اسلام اصبح الطالب حائر
ماذا يذاكر ؟
وايهم المفيد له فى الخارج ؟
هيذاكر ايه والناس اخذت الموضوع على انه استعراض للعضلات والمهاره كل مجموعه تعمل بحث 100 ورقه واكثر
نحن فى اانهايه طلبه وليسوا معيدين نحتاج ما ينفعنا لنكون اطباء بيطيروين جيدون فى الخارج وليسوا محاضرين
نستفيد من الدكتور عندما يخبرنا كيف التعامل مع الحالات وينقل لنا خبرته التى حصل عليها من العمل الخارجى
وخبرته فى طريقه التعامل مع الحالات واصحاب الحالات

اما بالنسبه ا.د/محمد نور هو يريد تطبيف فكره جديده وممتازه ولكن هذا ياتى بالتدريج وليس مره واحده وعلى اسس
مثلا يكون الشرح خارج المحاضرات الماده وفى مواضيع خارج المنهج الاصلى هكذا لانعرف ما هو المفيد لنا وما هو الدش او الغير مفيد

ومع ناس متحضرين اكثر او يفهمون معنى الديموقراطيه الصحيح وليس طلبه منتظره غلطه للبيشرح او تتريق او تستهتر بيه المفروض لطلبه بتحترم بعضهم وليس لطلبه تقلل من شان بعضهم والبنات تتريق على الاولاد والاولاد تستهتر بالبنات وكان بينهم عداوه
واسف يادكتور ان كنت بقول هذا الكلام بس حضرتك هذا ما حدث فى الشرح ومشادات كلاميه وكلام غير لائق وشكوى للعميد و............

كلمه اخيره لاسلام لاتجعل كل اهتمامك نفسك فقط وانا معك انها فكره جديده بس هناك الكثير من زمايلك تعبنيين من هذه الفكره ومش علشان مجموعتك او انتى كانت كويسه يبقى الفكره ناجحه انظر لباقى المجموعات واراهن ان هناك اناس فى مجموعتك لاتفقه شي وحاول تكون صريح مع نفسك..

وشكراا مره اخرى وارجوا
ان كلامى هذا لايجرح احد ولا يزعل حد منى بس ده راى بصراحه
وانا عارف ان الصراحه صعبه بس لازم نكون صادقين مع انفسنا على الاقل
وبصراحه كده احنا اللى نستاهل لان عندما عرض الدكتور الفكره فى ناس ايدت الفكره وناس لو تبدى اى راى لاننا ببساطه وبصراحه بنخاف ازاى دكتور يقول حاجه ونعارضه كده هيسقطنا ده اغلب الدفعه فعلى ومصطفى وانا هنعمل ايه لوحدنا



avatar
mido_mido
عضو نشيط
عضو نشيط

عدد المساهمات : 47
تاريخ التسجيل : 31/07/2009

الرجوع الى أعلى الصفحة اذهب الى الأسفل

نقاش رد: حوار صريح جدا جدا

مُساهمة من طرف صفا في السبت 04 ديسمبر 2010, 10:29 am

السلام عليكم
في الاول انا بشكر الدكتور أحمد علي اهتمامه وجزاه الله كل خير
ثانيا الغرض من الموضوع يا جماعة ان احنا نتناقش ونعرف الاخطاء والحاجات الحلوة اللي في الموضوع
والواضح كده ان اغلب الناس اتفقت ان الموضوع ماينفعش يمشي كده وان شرح الدكتور مهم
بس بما ان الفكره اطبقت خلاص يبقي لازم نستفيد منها يعني نبحث وندور ونستفيد
وكل واحد يحاول ياخد الخبرة من اي دكتور او معيد وينقلها لباقي الدفعة ولازم نحترم بعض
ومعلش اسمحولي ليا تعليق اخير بالنسبة للناس اللي بتسال زمايلنا اللي بيشرحو في المحاضرة
يعني لو ينفع نراعي بعض شوية لان اغلبنا بيوقف الوقفة دي لاول مرة فمحتاج مساعدة من كل واحد فينا
علشان يبتدي يتاقلم واللي عنده سؤال ممكن يساله بعدين للدكتور
ومعلش لو كنت طولت عليكم
والسلام عليكم
avatar
صفا
عضو مميز
عضو مميز

عدد المساهمات : 190
تاريخ التسجيل : 21/08/2010
العمر : 27

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى