مسلسل سعديه الصعيديه وميدو الاستايل....الحلقه الثالثه 66
عزيزى الزائر عند قيامك بعمليه التسجيل
يستوجب عليك تنشيط حسابك من خلال رساله
تصل إليك على بريدك الالكترونى حتى يكتمل التسجيل

مع تحيات إداره المنتدى
د/على نور

مسلسل سعديه الصعيديه وميدو الاستايل....الحلقه الثالثه Coolapx


انضم إلى المنتدى ، فالأمر سريع وسهل

مسلسل سعديه الصعيديه وميدو الاستايل....الحلقه الثالثه 66
عزيزى الزائر عند قيامك بعمليه التسجيل
يستوجب عليك تنشيط حسابك من خلال رساله
تصل إليك على بريدك الالكترونى حتى يكتمل التسجيل

مع تحيات إداره المنتدى
د/على نور

مسلسل سعديه الصعيديه وميدو الاستايل....الحلقه الثالثه Coolapx
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مسلسل سعديه الصعيديه وميدو الاستايل....الحلقه الثالثه

اذهب الى الأسفل

مسلسل سعديه الصعيديه وميدو الاستايل....الحلقه الثالثه Empty مسلسل سعديه الصعيديه وميدو الاستايل....الحلقه الثالثه

مُساهمة من طرف ж СнэскМдтэ ж الثلاثاء 14 سبتمبر 2010, 8:47 pm

الحلقه التالته
بعد اما خرجت سعديه من الجامعه علشان تروح
خرج وراها طبعا عمنا ميدو هوه وجنى صحبته بالعربيه بتاعته
واعد يرخم عليها ويدايقها
سعديه: انت يا واد احترم نفسك وامشى بعيد عن هنا بدل ماخلى يومك اسود
ميدو : بجد انا مش هسيبك انهرده هوه الضحك عليكى انهرده هخليكى تحرمى تكلمينى باسلوب مش كويس يا انتى
سعديه : والله انت شكلك كده جبته لنفسك فى يومك الجوتران ده ونويت تحجز لنفسك سرير ونفر زياده فى المستشفى
جنى : الحق يا ميدى دى بتقول هتدخلك انت مستشفى
سعديه: دى ومالها دى ياعين تيزه والنعمه شكلك هتتجطع انهرده انت والدزمه الى معاك دى
سعديه: الحجونى يا ناس الولا ده بيتحرش بيا وبيجولى كلام جلت ادب وخدش حيائى الحجوووووووووووووونى
طبعا سعديه اعدت تصوت والناس اتلمت عليها وضربوا ميدوا
ادوله علقه سخنه وجنى مش معاه غير انها تصوت
جنى : يا وحوش حرام عليكوا هوه مش قدكوا
سعديه : مش جدهم علشان يحرم تانى مره
كده هوه اتعلم الادب
ومشيت سعديه وجنى اتصلت بالاسعاف جم خدوا ميدو
بعد اما روحت سعديه عند بيت عمها
مرات عمها فتحتلها الباب بتقلها ازيك يا سعديه
سعديه طبعا مش ردت ودخلت وهى بتقول كلام كده مش مفهوم
( انا كان مالى ومال البلد بت الدزمه دى شكلى كده هتبجى وجعتى سوده ما انا كنت فى بلدى وجاعده كويسه بس بردو مش فشيت غليلى اةةةةةةةةةة يا بوى )
مرات عمها دخلت قالت لعمها بقى
عمها راح لسعديه
عمها : مالك يا بنتى مرات عمك بتقول انك مدايقه
سعديه : ماليش ياعمى ( فى سرها طبعا بتقول : والنبى روح بعيد كده مش ناجصاك انت كمان وكمان مرتك لحجت توصلك لسانها مش بيتبل فيه فوله ربنا ياخدها )
عمها : لا بجد احكيلى يا بتى
سعديه :الولاد عندكوا ياعمى البنات ارجل منهم يا بوى واد ياعمى مش محترم جل ادبه عليه
عمها : ليه يا بتى انتى عملتيلوا ايه
سعديه : معملتلوش حاجه والله ( وحكت سعديه لعمها الى حصل )
عمها : طيب ليه يا بنتى كده ده تلاقى الشباب بهدلوه خالص
سعديه : احسن انا كمان مش فشيت غليلى انا كان نفسى امسكوا من شعره الى ماسكاه الكهربه ده واجصهوله خالص واعمل فى الناس جميله بادل ما تتازى من شكلوا العفش يا رب يكون مات علشان ارتاح من خلجته الفجريه
طبعا ميدو اعد فى المستشفى حوالى 15 يوم ومش بيجى الجامعه خالص
وسعديه حكت لندى الى حصل ندى
ندى : على فكره يا سعديه هوه غلط بس مش لدرجه انك انتى تخلى الشباب يموتوه كده خالص
سعديه : استفزنى جوى يا ندى والله خلانى فجت اعصابى
ندى: خلاص بصى انتى تيجى معايا نروح نزوره فى المستشفى
ونعتزرله ونهدى الموضوع ونصلح الى حصل
سعديه : انتى حسستينى بالزنب انا خلاص هروح معاكى بس مش هعتزر لحد انا هشوفه بس واطمن عليه
ندى : خلاص اوك هنروح انهرده بعد المحاضرات
سعديه : ماشى يا ستى
راحت ندى وسعديه المستشفى وجابوا ورد وهمه رايحين
دخلت ندى عند ميدو وحدها وقالت لسعديه خليكى انتى هنا اما اندهلك ادخلى
سعديه : بس خلى فى بالك يا بت انا مش جايه معاكى علشان اعتزرله علشان ضميرى بيوجعنى بس مش اكتر
دخلت ندى
ندى : (فى سرها طبعا: يا لهوى ده ميدو مكسر خالص يخرب بيتك يا سعديه
ايه الى عملتيه ده فى الولا)
ازيك يا ميدو عامل ايه
ميدو: اهلا يا ندى انا خلاص مبقتش انفع تانى صحبتك المتوحشه شوفى عملت فيا ايه
ندى :معلش يا ميدو انت نرفزتها وكمان انا عملالك مفجأه ( ادخل ياسمسم )

ودخللت سعديه وتحصل المفاجأه
ونشوفكوا الحلقه الجايه
تاااااااااااااااااااااااااااابع
ж СнэскМдтэ ж
ж СнэскМдтэ ж
مشرف قسم الترفيهى

عدد المساهمات : 3568
تاريخ التسجيل : 30/04/2009
العمر : 33
الموقع : الشارع اللى وراك

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى