محتار اختار مين فيهم

من طرف **wessam** الخميس 22 أكتوبر 2009, 10:46 pm

السلام عليكم جميعا
هو ايه حكاية الاسر السنه ديه بقى فيه وابل من الاسر انا سمعت لحد دلوقتى ب 3 اسر وربنا يستر
ده الولاد ماشيين فى الكليه من 4 ل خامسه بيلمو ناس عن الاسر بس بجد ليا تعليق بسيط عن الموضوع اولا
كلكم بتتكلمو انا فوجئت انهارده انهم 3 اسر انا كنت مفكراهم اسره واحده والله او اسرتين بالكتير انتم عارفين احنا مش متعودين ع النشاط ده
ثانيا
انا هقبل ادخل فى الاسره فلانه ولا علانه بناء ع ايه مش مفروض برنامج الاسره ينزل الاول
انا بقيت عمله زى عمرو دياب
محتار اختار من فيهم هما الاتنين عاجبينى لكن فحالتى هما التلاته
ولا هتمشوها انتماء وكل دفعه تعمل لنفسها اسره ونفقد اهم سبب اتعملت علشانه الاسره
فبليز يا جماعه حد يشرح كل الاسر اللى نازله الساحه ويقول لنا كلنا عن البرنامج بتاعها وهتمشى ازاى وياريت كمان نعرف مين اللى هيمسكها من الطلبه واعضاء هيئة التدريس
علشان نبقى ناس منظمين وفهمين الدنيا ماشيه ازاى

من طرف **امه الله** الجمعة 23 أكتوبر 2009, 12:10 am

السلام عليكم
عندك حق والله يا دكتوره الاسر كتير بس اهم حاجه نشاط الاسر وفعاليتها مع الطلبه ومدي استفاده الطلبه منها
وربنا يهدينا للطريق الصحيح ان شاء الله

من طرف **Mickdam** الجمعة 23 أكتوبر 2009, 6:37 am

السلام عليكم ورحمة الله وبركاته
بالنسبه لموضوع الاسر انا المفروض هامسك اسره فيهم ده المفروض لكن انا مش عارف اسمها حتى الان وبعدين يا عم على انت عملت اسره جديده غير اللى انت اتفقت ممعايا عليها؟محمود الاسناوى و د جيهان كلمونى على الاسره هل دى نفس الاسره بتعتك؟ولو فى اكتر من اسرتين يبقى كده انا ممكن انسحب لان مافيش ولا واحده ممكن تنجح لان كليتنا ما تستحملش اكتر من اسرتين ده راى وعلى العموم ياريت ترد يا على على الموضوع ده ؟اما بخصوص البرنامج بتاع الاسره فالاولاد بتووع الاسره عملو برنامج وانا شفته وكان جميل لكن لسه مانزلش؟على العموم حد يفسر تزاحم الاسر لانى حاسس من كلامكم انهمجرد عند مع بعضكم وخلاص شكرا

من طرف **د/على نور** الجمعة 23 أكتوبر 2009, 12:15 pm

حضرتك السنه دى فيه أكتر من 3 أسر
أسره
أحلام عمرنا
ودى اللى عاملينها بتوع سنه رابعه
ودى هى اللى حضرتك هتمسكها انت والدكتوره جيهان
وسنه خامسه عاملين أسرتين
أسره
moon light
واسره
friends

وإحتمال أسره كمان
يعملها عمرو صلاح
لأنى سمعت انه كان بيجمع صور البطاقه علشان الاسره

بس متهيألى مفيش ولا أسره من دول هتنجح صح
لأن السنه دى فى تشتت كبير جدا ومنافسه

وبتوع سنه خامسه كانو فعلاً هيعملو اسره واحده لكن إختلفو
فى موضوع مقرر الاسره مين يمسكها وكده
فكل واحد أخدها عندا فى التانى وفضل انه يعمل اسره مستقله

من طرف Dr.Nada الجمعة 23 أكتوبر 2009, 2:11 pm

فعلا الأسر في الكلية مش حاسة خالص بالطلبة
عمرها ما نزلت ورق امتحانات ولاslides‏ هستولوجي_أو حتي لباقي المواد
أنا من رأيي كل أسرة تعلن عن نفسها وعن المشتركين فيها من stuff وعن أهدافها العلمية أولا
أنا بأقترح اسم أسرة جديد ممكن يكون اسرة 'النخبة' 'النجاح' أسماء كده تبين حماس الأسرة وياريت ينظموا رحلات جامدة ويعلنوا عنها في الكلية كلها مش أفراد الأسرة بس

من طرف mon_amor88 الجمعة 23 أكتوبر 2009, 2:40 pm

اولا وجود اكثر من اسرة ده مش غلط ومفيش مانع من تعدد النشاط
وعدد الكلية يسمحبده والرغبة متاحى لجميع والمنافسة مطلوبة

ودكتورة وسام هى دى الاسرة اللى كلمتك عنها (احلاك عمرنا)

وكمان يا دكتور سيد هى نفس الاسرة الى حضرتك هتمسكها(احلام عمرنا)

وبالنسبة للبرنامج هو برنامج مؤقت وان شاء الله بالنسبة لاسرتنا اللى متفقين عليها تقريبا فيها انشط ناس فى الكلية
ةان شاء الله بجد هيكون فيها شغل جامد تقدر تنافس ع الكلية والجامعه

من طرف **wessam** الجمعة 23 أكتوبر 2009, 5:03 pm

الحمد لله مطلعتش انا الوحيده اللى محتاره بس بالمنظر ده لو هما بياخدوها عند كده كل فرد هيعمل اسره لوحده
لكن فعلا تعدد الاسر سلاح ذو حدين ممكن يبقى هدف كبير للمنافسه لكن ممكن يبقى سبب للخلاف الكبير واحنا ناس كبار مينفعش نعند مع بعض لكن ع العموم ربنا يوفق الجميع

من طرف D/A.Abdalla الثلاثاء 27 أكتوبر 2009, 5:28 pm

انا شايف ان موضوع تعدد الاسر هيفيد الطلبة اكتر لان هيكون فيه منافسة بين الاسر
بس ياريت تبقى المنافسة شريفة ونزيهة علشان ماحدش يزعل من حد

من طرف **Dr:MoDo** الثلاثاء 27 أكتوبر 2009, 5:29 pm

اه صحيح زى بالظبط ما حصل فى
اتحاد الطلبة انهاردة
كانت نزيهة
وشريفة
جدااااااا
يا راجل
بس

بس بردو انا اللى غلطان
بس
بردو معلش
الايام قادمة
وعلى فكرة
هنا اسود

من طرف lena الثلاثاء 27 أكتوبر 2009, 5:39 pm

والله يا جماعه انا معروض عليا 4 لحد دالوقتى
مش عارفه ف الاخر هنغمض عنينا ونختار؟؟؟؟؟؟؟؟؟

من طرف **cafu** الإثنين 23 نوفمبر 2009, 5:38 pm

انا واحد من الناس اللي بقول ليكم كلكم الاسر كلها واحد وكل الناس زي بعضها لأن من الاخر كده احنا بالذات في بيطري لينا وضع خاص جدا عشان احنا مقيدين بجدول عملي زحمه اوي
وكمان الاسر مش بتاخد دعم كافي
عن نفسي كنت ناوي ادخل في اسر من غير ذكر اسماء بس لقيت ان الكلام كله عن ناس بتتكلم في مناصب وناسيين الشغل
انا انضميت لأسرت شهرزاد وبقول الجدول بتاعي كان هيبدا فعليا من يوم ما اخد الموافقه اللي المفروض كانت تيجي يوم 8\11 واكان اول شئ هعملة رحلة ماتش مصر والجزائر وقسما بالله كان معايا خمسين تذكرة غير انه هيكون يوم قبلها او بعده بس قدر الله ومشاء فعل
وبعدين الترم التاني طوييييييييييييييييييييييييييييييل جدا والاسر بضمان من انا ان الاسر كلها هتتجمع ف انشطة اواحدة
معلش طولت عليكم
بس قبل ما امشي اللي عايز يشتغل نشاط صح يسجل اسمه في رعاية الشباب المركزية احلى شغل واجمل تقدير من الناس وساعتها هيكون منك للنائب مش مقرر الاسرة ولا غيرة وده انا بعملة من 3 سنين اني بشترك في الجامعه

كفراوي

محتار اختار مين فيهم

محتار اختار مين فيهم

رد: محتار اختار مين فيهم

رد: محتار اختار مين فيهم

رد: محتار اختار مين فيهم

أسر كليتنا في عالم تااااني

رد: محتار اختار مين فيهم

رد: محتار اختار مين فيهم

رد: محتار اختار مين فيهم

رد: محتار اختار مين فيهم

رد: محتار اختار مين فيهم

رد: محتار اختار مين فيهم