ياريت اسمع رايكم فى الموضوع ده؟

السلام عليكم ورحمة الله وبركاته
فى ظل ربط الكلية بسوق العمل الخارجى كان عندى فكره ممكن اسمع منكم هل هى كويسه ولا لا ؟انا حاولت انفذها السنه اللى فاتت لكن نفس الواحد كانت مسدوده وماتسألوش ليه؟
انا اعرف القائمين على مزرعه الالمونيوم للالبان وكمان القائمين على مفرخ أسماك نجع حمادى الموجود فى السماينه انا فكرت انى ممكن انظم رحلتين نروح فيهم المكاننين دول لكن لظروف ما ماتابعتش الموضوع .ياريت اسمع رايكم فى الموضوع ده
سلام

فكره حلوه جدا وهنستفيد منها كتير
وزى ما dr-modo مقال
ناس كتير نفسها تشوف بيطرى ازاى بره
وربنا يوفقك السنه ديه وتابع الموضوع للاخر ونسمع بيه قريب
بس ياريت حضرتك ما تنساش احنا الاول الحاجزين لان حاجه زى ديه هيبقى الاقبال عليها رهيب
وربنا يوفقك

السلام عليكم ورجمه الله
طبعا الفكره رائعه يا دكتور وعمليه جدا وكمان حنشوف حاجات بندرسها علي الورق ونصمها علشان الامتحان
واخيرا حد فكر في الطلبه اللي مبتحبش الحفظ زيي
ونفسي بجد نروح الاماكن دي علشان نكتسب خبره ونبقي مش مجرد حفظه وكتبه وخلاص
بس ياتري البنات ليهم مكان ف الرحله العلميه دي ولا للاولاد فقط؟؟؟؟؟؟
بس ياااااااااارب يمنع الموانع ان شاء الله

الجميع هايكون ليه مكان لكن انا هانسق مع الاداره علشان يكون فى نظام يعنى مثلا   لكن المشكله انى انا مسئول عن سنه تالته والزملاء وبعض الطلاب هايزعلو لو عرفو انى عملت كده مع اى حد بعيد عن تالته وهايكون التعليق ان انا ما اتدخلش فى اى حد بعيد عن تالته ده لو الاداره وافقت وانا اقصد ادارة الجامعه مش الكليه لكن لو عليا انا انا عاوز كل الناس تطلع خصوصا خامسه مع انهم كسلانين قوى ومش بتوع شغل(معلش يا د وسام ) انا صريح شويه لكن يارب الاداره توافق
اما بخصوص البنات فاكيد ليهم مكان ان شاء الله وربنا يوفقكم ونشوفكم فى افضل المناصب

ولا يهمك يا د.سيد الصراحه مطلوبه فى الحياه وانا عارفه كويس جدا ان دفعتى كسلانه وربنا يهديهم
اما بخصوص الامكانيات فصدقونى يا جماعه احنا اكتر جامعه بينزل لها ميزانيه ع مستوى جامعات مصر وكلامى ده من مصادر موثوقه لكن جامعتنا غاويه فشخره كدابه وبيضيعو الفلوس ديه ع السفرا الاجانب والوفود الاجنبيه اللى عمرنا ما استفادنا منهم
ولا حوار الملتقى ده كمان اللى بيضيع عليه فلوس الجامعه فى شوية كلام فارغ ولو استفدنا منه بيكون من ندوة الاعجاز العلمى للقران اللى بتتعمل فى اخر الاسبوع بعد ما يكون الطلبه سافرت
وكمان مش بيحصل لها اعلانات جامده ده انا فوجئت ان كان الشيخ عبدالله المصلح بنفسه فى الملتقى اللى فات
حد يبقى عنده الشيخ عبدالله المصلح وكل اللى يعمله انه يعلق يافته قماش ع باب الجامعه يرحب بيه فيها والله حرام

فكره كويسه بس يارب تتنفذ ومنها ناخد فكره البياطره بيتعاملوا ازاى بره

اولا فكره كويسه اوي يا دكتور وانا اتبسط اوي اول ما حضرتك عرضتها علينا وحسيت فعلا اخيرا حد فكر في حاجه زي كده وخاصه لسنه تالته بجد مجال تعامل البيطرين بره غير التعليم والكليه والحفظ خاااااااالص وانا بأذن الله واثقه ان الحكايه دي لو دكاتره كتير طبقوها هتفيد الطلبه جااااامد والكليه فعلا هتتغير سمعتها وانها بطلع دكاتره حفيظه
بس يارب تكمل ومتكنش فكره وخلاص
مشكوووووووووووووور

فكرة حلوة اوى يا دكتور خصوصا ان ناس كتير متعرفش يعنى اة مفرخة اسماك وانا اولهم
بس اسمحلى يا دكتور اعلق ان دفعتى الى هى دفعة سنة خامسة مش كسلانة ولو فى كسل يبقى دة موجود من الكلية نفسها مش من الدفعة بس بجد فى ناس كتير نفسها تعمل حاجة بس مش لاقية توجيهة

مدام هنتكلم على انها فرصة جميلة فيها فعلا فرصة جملية جدا بس المفروض صح انها تكون تابعه للرحلة العلمية.... ليه ... عشان الرحلة بتروح اسكندرية او القاهرة اسبوع يعني المزيانية كده كده مدفوعه ممكن احنا نستغل ده وبدل ما يكون الجانب الترفيهي فيها كتير نستفيد من اكبر مجموعة مزارع ومفرخات سمكية على مستوى الجمهورية في البحيرة وكفر الشيخ مش كده وبس احنا كمان ممكن نزور الكليات اللي هناك ونشوف نظم الدراسة ايه وان الرحلة دي متكونش للسنوات النهائية بس دي تكون لكل الدفع عشان اللي مش حابب الكلية في اول يحبها واللي مش عايزها يقدر يغير قراره من بدري

بجد يا دكتور فكره جميله اوي بس يا رب تتنفذ
بس علي فكره احنا مش دفعه كسلانه ولا حاجه زي ما قالت الدكتوره ايه
والله ونفسنا نشتغل ونشوف الدنيا فيها ايه
وربنا يخليك للكليه
bloody eagle

على فكرة يا دكتور احمد جمال حضرتك فهمت غلط لان دكتور سيد هو الى بيقول ان دفعتنا كسلانة وانا الى بدافع عن الدفعة بتاعتى يا ريت تراجع الكلام قبل ما تكتب

هدوووووووووووووء ياجماعه كسلانه ولا حتى شاطرة المهم مين اللى عاوز يشتغل وعموما انا خريج بيطرى قنا وعاوز اشوف البيطرى عامل ازاى برضو

بجد ربنا يوفقكوا فكرة جميلة جدا ماشاء الله حلو اوى انى الواحد يشتغل عملى الى بيدرسه وربنا ييسر لكم الامور اللهم ااااااااااااااااااااااامين وعقبالنا فى سوهاج لما يطبقوا زى كده هههههههههههه
بس انا سمعت من طلبة سنة تانية عندنا انهم فى الصيف على طول بيروحوا يشتغلوا عملى ويسافروا بلاد يا رب يكون صح ادينى هنشوف السنة دى بس بصراحة هما بيطلعونوا قوافل كتيرة يعنى الحق يقال
ويا رب يوفقكوا وتنفذوا افكار اكتر من كده ان شاء الله

الفكره جميله ويا ريت تكوت كل سنه بحيث سنه خامسه يطلعوا فيها يعنى تبقى مثل الرحله العلميه

فكرة جميلة اوي بس يا ريت نمشي فيها بجد شوية مش مجرد فكرة بنقول راينا فيها وخلاص
واي حاجة ممكن نساعد بيها احنا مع حضرتك وان شاء اللة تتم بخير

فعلا والله الفكره دي جميله جدا يارييييييييييييييييييييييييييييييييييييييييت تتنفذ بجد لكل الدفعات نفسنا بجد نشوف بقى العملي عشان نقدر نتعود على الشغل العملي ومتبقاش حاجه غريبه بالنسبه اننا لسه في السنوات الاولى

اولا حمدالله ع السلامه يادكتور مفتقدينك جدا يادكتور وحشتنا مواضيعك بس احنا عاذرينك يادكتور عشان الماستر
ثانيا طبعا الموضوع تحفه وعسول ودى حاجه مش غريبه عاى حضرتك بس ياريت يكون بسرعه فالتنفيذ ومتتركنش الفكرة سنتين تلاته وشكرا بجد لحضرتك يادكتور عشان بتفكر فالطلبه الغلبانين بس زى ما قولت لحضرتك دى حاجه مش غريبه عن حضرتك ولا عن السوهاجيه وكرمهم طبا
التوقيع
ما اعظم ان تكون حاضرا غائب على انت تكون غائبا حاضرا